لحظة الولادة الطبيعية بتعتبر من اللحظات الحرجة اللي بتحتاج فيها الأم لطرق لتسريع الولادة وتخفيف ألم الطلق وده ممكن يحصل عن طريق أوضاع الولادة الطبيعية اللي ممكن تعمليها.
لحظة الولادة بيختلط فيها مشاعر الفرحة والسعادة بمشاعر الألم والقلق والتوتر. فالشعور بتقلصات الرحم في لحظة الولادة أو ما يعرف بالطلق من اللحظات المؤلمة جدا للسيدة الحامل، لأنها بتحس بالألم وعدم الراحة، لأن رأس الجنين بتتجه نحو الرحم استعدادا للولادة.
هنا ممكن تشوفي طرق طبيعية لتوسيع الرحم قبل الولادة
أفضل أوضاع لتخفيف ألم الولادة الطبيعية
- الوقوف أو المشي
- الجلوس
- الركوع أو الانحناء
- القرفصاء
- النوم على أحد جانبي الجسم
- الاتكاء على اليدين والركبتين
وضع الوقوف أو المشي
الوقوف أو المشي من أفضل أوضاع الولادة الطبيعية اللي بيخلي من الولادة تجربة أقل صعوبة، لأن الجاذبية بتساعد الأم على دفع الجنين، وده بيسهل من عملية مروره عبر فتحة عنق الرحم.
وضع الجلوس
الجلوس مع ثني ركبة واحدة وإرخاء الأخرى بيلعب دور كبير في تسهيل عملية الولادة الطبيعية، لأن الرحم في الوضعية دي يندفع للأمام، زاللي بدوره بيساعد على تدفق الدم المحمل بالأكسجين لعضلات الحوض.
وضع الركوع أو الانحناء
وضعية الركوع أو الانحناء من أوضاع الولادة الطبيعية اللي مناسبة للأم في حالة واحدة فقط، وهي إن الجنين يضغط على العمود الفقري جدا، حيث يساهم الركوع في تشجيع الطفل على التحرك للأمام، وده بيساعد على تخفيف الضغط إلى حد ما.
وضع القرفصاء
الوضعية دي شبه تمرين الإسكوات، وينصح أطباء النساء والتوليد باتخاذها، لأنها بتساعد على منح الطفل مساحة أكبر للتحرك لأسفل.
وضع النوم على أحد جانبي الجسم
النوم على الظهر غير مناسب للأم قبل الولادة، علشان كدة من الأفضل لها أن تستلقي \ تمدد على أحد جانبي الجسم، لأن الوضعية دي بتساعد على إبطاء الولادة السريعة وتخفيف آلام الطلق.
وضع الاتكاء على اليدين والركبتين
من الوضعيات المفيدة في حالات الطلق السريع، لأنها بتققل من ألم الولادة السريعة وبتساهم في فتح الحوض بشكل يسمح للأم بالاستفادة من الجاذبية في دفع الجنين عبر عنق الرحم.
- السمنة.
- الضعف العام.
- قلة الحركة.
طرق طبيعية لـتسريع الولادة وتخفيف ألم الطلق
لما الام الحامل بتحس باقتراب الولادة وألم الطلق وتقلصات الرحم، تقدر تقوم ببعض الطرق اللي بتساعد جدا في تخفيف الألم وتسريع الولادة الطبيعية لحد ما تزور الطبيب، ومن أهم طرق تخفيف ألم الطلق:
- شرب كمية كبيرة من الماء والسوائل لتعويض العرق والسوائل المفقودة وربما تفقد دم وإفرازات أخرى.
- تاخد حمام دافئ يساعد على الاسترخاء وتقليل ألم الطلق والتوتر.
- المشي البطيء والحركة في المكان يخفف الألم.
- التنفس بعمق مع الاسترخاء والراحة.
- الانشغال في حاجة تانية زي القراءة.
- الجلوس في حوض مليان مياة دافية في وضع القرفصاء بيساعد على توسيع عضلات الحوض.
- الراحة والنوم شوية بيحافظ على الحالة النفسية للسيدة وبيقلل شعورها بالتوتر.
- ممارسة تمارين بسيطة لتقوية عضلات الحوض، زي تمارين كيجل.
- شرب شاي أوراق التوت لتقوية عضلات الرحم وتسريع الولادة.
- شرب مغلي القرفة مع عسل النحل بيسرع عملية الولادة.
- ممارسة اليوجا بيقلل من ألم تقلصات الرحم.
- الكمادات الدافية باستخدام قربة المياه أو فوطة مبللة بالمياة الدافية وتتحط على أسفل الظهر والبطن بيخفف ألم الطلق.
- تغيير الوضع بالنوم على واحد من الجانبين والمشي وتكرار وضع القرفصاء أو الركوع.
- السرعة في طلب المساعدة الطبية مع زيادة الألم والتقلصات، خصوصا لو حصل نزيف أو بدأت الحامل تشعر بغياب الوعي.
تسريع الولادة وتخفيف ألم الطلق بالأدوية
أوقات بيلجأ الأطباء لاستخدام بعض الطرق الطبية والدوائية في تخفيف ألم الطلق وتسريع عملية الولادة، من أهمها:
- استخدام الأدوية المسكنة للألم عن طريق الوريد أو الحقن بالعضل، واللي بيبدأ تأثيرها بسرعة وبيستمر مفعولها من ساعتين لحد 6 ساعات حسب الحالة وشدة الألم، وهي بتهدئ الام وبتخليها تحس بالرغبة في النوم، زي دواء بيثيدين.
- استخدام تخدير حول الجافية واللي وهي أحد الأغشية اللي لتحيط بالمخ، حيث إنه بيتم تخدير الجزء السفلي اللي بيبدأ من الوسط لحد أسفل الجسم، وفي الطريقة دي بتفقد الأم الشعور بمنطقة الألم، لكن لازم الاستمرار في متابعة وضع الجنين ونبضاته باستخدام جهاز السونار والدوبلر.
- طريقة التخدير النخاعي، في الطريقة دي بيتم إعطاء الأم حقنة أسفل الظهر تفقدها الإحساس بالألم ويستمر مفعولها لحوالي الساعتين.
- تخدير أعصاب الفرج وهنا بيتم تخدير المنطقة بين الشرج والمهبل، لكنها أحيانا مش بتساعد في تخفيف ألم الطلق عند بعض السيدات.
- استخدام غاز أكسيد النيتروس المختلط بالأكسجين من خلال قناع للوجه وأنبوب بالفم، والطريقة دي بتخفف الألم جدا، لأن أسم ده اصلا غاز السعادة لأنه بيخفف من الألم والقلق والتوتر وبتفضله الأمهات جداج.
- إعطاء مهدي للأعصاب بالحقن الوريدي أو بالعضل، بيفيد في تخفيف ألم الولادة وتقليل قلق الأم.
دلوقتي بعد ما عرفتي إزاي بيكون تخفيف الألم وقت الولادة الطبيعية، هنقولك في الأخر إيه هي علامات أو أعراض الولادة والطلق علشان تكوني على علم وتاخدي إجرائاتك بسرعة
أهم أعراض الولادة والطلق
كل أم حامل لاوم تعرف أهم العلامات اللي بتشير إلى اقتراب ولادة جنينها، علشان تتعلم إزاي تتصرف زإمتى تطلب المساعدة والمشورة الطبية، ومن أهم الأعراض:
- الشعور بألم مستمر في منطقة أسفل الظهر والجانبين والفخذ.
- إسهال مفاجئ وشديد وتكرار استخدام الحمام.
- الإحساس بتقلصات وانقباضات أسفل البطن تستمر وتزداد حدتها مع مرور الوقت.
- نزول سائل شفاف أو إفرازات مختلطة بالدم في شكل تدفقات يصاحبها تقلص وألم، إشارة لانفجار كيس الحمل اللي بيوجد فيه الجنين.
- الشعور بالثقل أسفل البطن، حيث يتجه رأس الجنين للمهبل للاستعداد للولادة.
- غثيان ورغبة في التقيؤ ودوخة وعدم اتزان.
وفي الأخر بنقولك يا رب تكون ولادتك سهلة وتقومي بألف سلامة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك