بعد ما نسبة الإصابة بفيروس كورونا استقرت إلى حد ما، ظهر متحور دلتا لكن ما حصلش بسببه ذعر في العالم وكان امتداد لكورونا. لكن فجأة ظهر متحور جديد اسمه أوميكرون، وبلاد كتير رجعت لإجراء قفل المطارات أو منع الطيران مع الدول اللي ظهر فيها أوميكرون. وسبب الإجراءات دي الرئيسي إن المتحور الجديد سريع الانتشار والعدوى، رغم إن أعراضه مش خطيرة لكن الحكومات في العالم كانت عاوزة تسيطر على انتشاره من بدري. ومع الاجراءات دي، إلا إنه انتشر في كل بلاد العالم بشكل سريع جدًا، وعدد الإصابات في تزايد رهيب. وده حصل في مصر زيها زي كل الدول، ولو لاحظنا الفترة دي هنلاقي عدد المصابين في دواير معارفنا وقرايبنا كتير جدًا. وفي المقال ده، هنقول لك كل حاجة محتاجة تعرفيها عن أوميكرون وعن تجنب الإصابة بيه.
-
أعراض أوميكرون
- رشح
- صداع
- إرهاق (خفيف أو شديد).
- عطس
- ألم الحنجرة
- فيه حالات بتفقد حاسة الشم والتذوق وحالات لا.
- الحرارة فيه حالات بترتفع فيها، وحالات بتكون الحرارة فيها طبيعية أو بترتفع وتنخفض تاني.
- التعرق الليلي في بعض الحالات.
أعراض فيروس أوميكرون
-
إيه الفرق بين أوميكرون وفيروس كورونا؟
- سرعة انتشار أوميكرون أكبر بكتير من الكورونا.
- الأعراض في أغلب الحالات أخف من الكورونا، وخصوصًا الأعراض الخاصة بالجهاز التنفسي.
- مش في كل الحالات بتظهر نتيجة التحليل (مسحة كورونا) إيجابية.
-
طرق الوقاية من أوميكرون؟
- التطعيم دلوقتي مش رفاهية أبدًا، ده واجب على كل واحد يتطعم علشان يحمي نفسه ويحمي اللي حواليه. ولو لا قدر الله حصلت له إصابة بعد التطعيم، بتكون أعراضها أخف بكتير.
- التباعد الاجتماعي قدر الإمكان، يعني خروجاتنا تقتصر على مدارس أولادنا ووظايفنا، والخروج في الأماكن المفتوحة، وتجنب المولات والأماكن المغلقة.
- الالتزام بلبس الكمامات طول الوقت.
- تناول فيتامين سي سواء في الأكل أو بالأدوية.
- غسل الأيدي وتعقيمها.
- العزل في البيت أول لما تظهر أي أعراض.
الفرق بين أنواع تطعيمات لقاح الكورونا .. لو هتاخدي التطعيم
طرق الوقاية من أوميكرون
وبنتمنى لك ولكل أسرتك الصحة والسلامة
التعليق باستخدام حساب فيس بوك