إزالة الشعر حاجة بتهم ستات كتير جدًا وبتاخد وقت وجهد ووجع كتير. عشان كدة بقى فيه دلوقتي طريقة لإزالة الشعر بشكل دائم وهي إزالة الشعر بالليزر وبقت خطوة مهمة في روتين العناية بالبشرة.
لو بتفكري تعملي إزالة شعر بالليزر، لازم تقرأي المقال دا عشان تعرفي ينفع معاكي الليزر أو لا، وعشان تعرفي إزاي تستعدي للخطوة دي.
إزاي بتتم عملية إزالة الشعر بالليزر؟
إزالة الشعر بالليزر بيتم عن طريق توجيه أشعة ليزر معينة ناحية مسام الجلد وبصيلات الشعر بالتحديد. الليزر بيشتغل على تدمير البصيلة عشان الشعرة ما ترجعش تطلع تاني. أكتر نوع بشرة بينفع فيه هو البشرة الفاتحة والشعر الغامق، لأن في الحالة دي بيبقى فيه فرق بين لون البشرة ولون الشعر فيقدر الدكتور يشوف الشعرة والبصيلة أدق وأحسن. لو بشرتك فاتحة لكن شعرك كمان فاتح، احتمال كبير ما ينفعش الليزر معاكي. كمان صاحبات البشرة الداكنة بيكون أصعب من البشرة الفاتحة والسبب في الحالتين هو قرب لون الجلد من لون الشعر، الحاجة اللي بتصعب على الدكتور الشغل.
تجهيزات قبل إزالة الشعر بالليزر
إيه اللي تتوقعيه في جلسة إزالة الشعر؟
- عادةً بيتطلب منك تلبسي نظارة واقية من الأشعة أثناء الجلسة.
- الدكتور هيحط لك مادة مخدرة على الجلد قبل ما يبدأ وساعات بيتطلب منك تحطي إنتي كريم معين قبل ما تنزلي من البيت (قبل الجلسة بحوالي ساعة).
- بعض المناطق ممكن يكون توجيه الليزر عليها موجع لكن زي وجع الطرق الأخرى أو أخف.
- من المفضل إنك تدلكي المكان بتلجة بعد ما تخلصي.
- عادةً مفيش نتيجة بتبان بعد أول جلسة.
- العلاج بياخد متوسط 6 جلسات.
هنا ممكن تشوفي بالأسعار أماكن إزالة الشعر بالليزر في القاهرة
محاذير وانتِ بتعملي إزالة الشعر:
- إزالة الشعر بالليزر للحامل: لو انتي حامل، يستحسن تأجلي خطوة إزالة الشعر بالليزر لأن الدراسات ما أثبتتش أمان الموضوع خلال الحمل بنسبة 100% .
- ما ينفعش تعملي tan أو تتعرضي للشمس لأن دا بيؤذي البشرة بعد التعرض لليزر.
آثار جانبية محتملة:
- احمرار في البشرة.
- بثور/حبوب.
- ندوب.
- التهابات في البشرة.
- سخونية.
- آثار حرق.
هل ممكن الشعر يطلع تاني بعد إزالته بالليزر؟
- لو أخدتي عدد جلسات أقل من اللازم، الشعر هيطلع تاني.
- أوقات بعض الدكاترة ما بيكونوش محترفين كفاية فبيطلع الشعر تاني (أخف). عشان كدا، يستحسن تسألي الأول خبرات ناس تانية قبل ما تروحي.
التعليق باستخدام حساب فيس بوك