لو هتولدي في رمضان، مفيش حاجة هتتغير في تجهيزاتك الشخصية وتجهيزات البيبي، لإنك كده كده مش هتكوني صايمة ولا هتصلي، لكن الفكرة كلها في بقية أفراد أسرتك، وفي أي زوار هييجوا يباركوا لك. علشان كده، هنقول لك ازاي تستعدي قبل الولادة في رمضان.
-
تجهيزات الولادة في رمضان
- وجبات الإفطار: ودي أهم حاجة تجهزيها، سواء كنتي هتعمليها بنفسك أو هتطلبيها من أماكن معينة. أو هتطلبي المساعدة من مامتك أو معارفك، لإنك مجرد ما تحسي إن جوزك وبقية أفراد أسرتك مستقرين من ناحية الأكل في رمضان. هتفرق معاكي نفسيًا جدًا.
- عصاير ومشروبات رمضان: ودول ليكي ولبقية أفراد الأسرة، بس حاولي تبعدي عن شرب الكركديه. علشان ما يلخبطش معاكي في ضغط الدم. لكن بقية المشرويات هتكون مفيدة ليكي علشان تساعدك على الرضاعة الطبيعية.
- حلويات رمضان: ودي تقدري تحددي الأماكن المفضلة ليكي ولأسرتك، اللي تقدري تشتري منها حلويات جاهزة، وتشوفي الأصناف المفضلة. بحيث لما تيجي تطلبيها بعد الولادة، ما تاخدش منك وقت ومجهود، وتقدري تقدمي منها للزوار اللي هييجو يباركوا لك.
-
تجهيزات الولادة عامة
- تجهيز البيت: وده من أساسيات تجهيزات الولادة، وشوفي هنا ازاي ترتبي بيتك قبل الولادة.
- تجهيز شنطة الولادة: تقدري تعرفي تفاصيلها من المقال ده تجهيز شنطة الولادة للأمهات.
- تجهيز نفسك: وده يتضمن بقى التأهيل النفسي، والطبي والثقافي، عن طريق معرفة كل المعلومات اللي ممكن تحتاجيها عن الولادة والمستشفى والرضاعة الطبيعية، والتجهيز التجميلي من إزالة الشعر الزائد في الجسم، ولو عاوزة تعملي أي ترطيب وفرد لشعرك.
- تجهيز أطفالك الأكبر: لو بيروحوا مدارس أو حضانات، محتاجة تجهزي لهم كل تفاصيلهم، علشان مفيش حاجة مهمة تنقصهم أثناء فترة الولادة.
- تنظيم شغلك: لو انتي أم عاملة، فهتحتاجي تعملي تنظيم لمهام الشغل بتاعتك، سواء هتخلصيها قبل الولادة، أو هتديها لحد من زمايلك، علشان يكون بالك رايق في فترة ما بعد الولادة.
مدة فترة النفاس في رمضان .. إمتى يبدأ صيام النفساء
مع تمنايتنا ليكي بولادة يسيرة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك