محتويات المقال
كتير من الناس بيعانوا من قشرة الشعر وهي واحدة من أشهر مشاكل الشعر، واللي بتسبب مظهر غير محبب خصوصا، على الملابس الغامقة، ده غير إنها بتسبب الحكة وده بيكون مظهر أو تصرف مش لطيف، علشان كده في المقال ده هنساعدك تعرفي أنواع قشرة الشعر علشان تقدري تعرفي إيه نوع العناية بشعرك اللي انتي محتاجاها:
أنواع قشرة الشعر وأسبابها:
-
قشرة الشعر الجاف:
- ودي بتكون مؤقتة وموسمية، لإنها بتحصل في الشتاء نتيجة لجفاف الجلد، أو غسيل الشعر بمياه ساخنة، وبتسبب تهيج لفروة الراس، وحكة بسيطة
- علاجها: استخدام شامبو ضد القشرة لأنه بيرطب الفروة وبيقلل التهيج والجفاف اللي بيسبب القشرة.
-
قشرة الشعر الدهني:
- تحت سطح الجلد مباشرة في غدد بتنتج المادة الدهنية اللي بتساعد على ترطيب بشرتك وحمايتها، ولما الغدد بتنتج نسبة زيادة من الدهون، وقتها بيكون الشعر الدهني.
- الدهون الزائدة اللي بتفرز دي ممكن تهيج فروة الراس وتتسبب في القشرة.
- قشرة الشعر الدهني بتكون أكتر وأكبر من قشرة الشعر الجاف، ولونها مايل للأصفر.
- قشرة الشعر الدهني ممكن تسبب التهاب في فروة الراس.
- الحل: غسل الشعر بالشامبو بانتظام واستخدام شامبو مخصص لعلاج قشرة الراس بيساعد في السيطرة على قشرة الشعر الدهني.
-
قشرة الشعر المرتبطة بالفطريات:
- في نوع من الفطريات الشائعة اسمها Malassezia على جلد كل إنسان، بس عند بعض الأشخاص ممكن تتسبب في التهابات وتعمل قشرة في فروة الراس.
- وفي الحالة دي الحل بيكون استخدام الشامبو اللي بيحتوي على مكونات مثبطة للفطريات دي.
-
قشرة الرأس المرتبطة بالأمراض:
في أمراض جلدية شائعة بتسبب قشرة في فروة الراس زي:
-
التهاب الجلد الدهني:
بيحصل التهاب الجلد الدهني في حالات كتيرعند الأشخاص ذوي البشرة الدهنية، وهو شكل حاد من قشرة الجلد الدهنية، بالإضافة لقشرة الشعر، ممكن تظهر بقع حمراء متقشرة وحكة.
ومن أكتر الطرق فعالية لعلاج قشرة الشعر الناتجة عن التهاب الجلد الدهني استخدام الشامبو المناسب للحالات دي.
-
الإكزيما:
أهم أعراض الإكزيما بقع من الجلد المتقشر والمثير للحكة، وفي بعض الأحيان يظهر طفح جلدي أحمر.
لما بتظهر الحالة دي في فروة الراس، بتبدأ تظهر في الشعر رقائق من القشرة في الشعر واحمرار فروة الراس بسبب الالتهاب.
هيساعدك استخدام شامبو لطيف ومرطب، جانب علاج موضعي بتوصية الطبيب.
-
الصدفية:
يُعتقد أن الصدفية هي حالة من أمراض المناعة، اللي بتنمو فيها خلايا الجلد بسرعة كبيرة، وده بيسبب تكوين بقع سميكة متقشرة على الجلد، ووفقًا لمؤسسة الصدفية الوطنية، حوالي 50% من الأشخاص المصابين بالصدفية بيعانوا من صدفية فروة الراس.
وبتظهر صدفية فروة الرأس على شكل رقائق ناعمة بلمعان فضي، وممكن تظهر كمانعلى شكل بقع متقشرة بارزة وملتهبة من الجلد متغطية بتراكم أبيض فضي لخلايا الجلد الميتة.
مع العلاج الطبي الموصوف من الطبيب، فالشامبو المخصص لقشرة الشعر بيساعد في تحسن مظهر فروة الراس جدًا.
إزاي أعالج قشرة الشعر وإيه طرق الوقاية منها؟
-
شامبو قشرة الشعر:
شامبو لقشرة الشعر
في أغلب حالات قشرة الشعر فاستخدام الشامبو المناسب، بيكون حل كافي ومانع للقشرة بشكل ناجح جدًا، زي شامبو KELUAL DS SHAMPOO لأنه بيحتوي على:
- سيكلوبيروكس أولامين: مضاد للفطريات، واللي وظيفته وقف نمو الفطريات (الملاسيزية) اللي تكون قشرة الشعر.
- لاكتاسيد: ووظيفته تقشير البشرة وإزالة الدهون وخلايا الجلد الميتة وتعزيز وزيادة دوران الأوعية الدقيقة وتجريد فروة الرأس من القشرة.
- خلاصة العرقسوس: واللي بيحتوي على بعض خصائص مضادة للحساسية، مضاد للجراثيم، والمضادة للفيروسات، يتم استخدامه موضعياً لالتهاب الجلد التحسسي أو المعدي، زي التهاب الجلد الدهني وقشرة الراس، وبيقوي الشعر وبيحميه من التساقط والتلف.
- مشتقات من زيت جوز الهند: واللي بيعمل على ترطيب الشعر وفروة الراس للحصول على شعر ناعم وسلس ومظهره صحي.
طريقة استعماله: استخدمي شويه منه على الشعر ودلكيه على فروة الراس بلطف، واغسليه كويس جدًا، ارجعي حطي منه شوية على الشعر وسيبيه 3 دقايق، واشطفيه تاني كويس، كرري الغسيل بيه 3 مرات إسبوعيًا، لمدة إسبوعين وبعدها مرة واحدة في الاسبوع باستمرار.
-
تغيير نمط الحياة:
نمط الحياة الصحي هيفيدك جدًا في صحة شعرك، فمثلا التوتر بيضعف جهاز المناعة وبيسبب تفاقم للأمراض الجلدية، زي الإكزيما والصدفية.
الأكل الصحي والأنظمة الغذائية المتوازنة اللي بتحتوي عىل أوميجا 3 والزنك والفيتامينات المتنوعة بتساعد جدًا على تحسن صحة شعرك.
إمتى تستشيري الطبيب؟
في حالات القشرة البسيطة مش محتاجة ترجعي للطبيب، وشامبو مخصص لقشرة الشعر هيقوم بالدور على أكمل وجه، لكن إذا لاحظتي تغيرات في فروة راسك ولقيتي الأعراض دي فلازم ترجعي للطبيب:
- احمرار أو تهيج مستمر.
- طفح جلدي مش بيروح.
- حكة شديدة.
- قشرة الشعر مش بتتحسن حتى مع استعمال الشامبو المخصص لها.
- إذا كنتي بتعاني من حالة جلدية زي الصدفية أو الإكزيما اللي بتأثر على باقي جسمك وبتعاني كمان من قشرة الشعر.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك