اعترافات

انا جوزي مخاصمني بقاله كام يوم بسبب مامته عشان هي كمان مخاصماني ومخليه عيالها والبيت كله يخاصمني والسبب أن مستأذنتش منها ان راحه عند ماما ومحسساني أن أنا عدوتها مع أن انا قاعده معاها ومهمله في بيتي واولادي بسببها وطول شهر رمضان كنت ليل ونهار واقفه علي رجلي وعمري ما حسيت اني بشتكر أو بيتقالي كلمه حلوه و تخاصمني لو روحت عند امي يوم اجي الاقيها لاويه

الأول كنت بفكر انتحر حاليا بقا يقين وبيقت بقرر كل يوم انا معايه ٣ اولاد حماتي مطلعه عيني بمعنا الكلامه امي عشان اخته عمرها منصفتني تملي انا غلطانه بحجه عايزك تعمري خالتك اختي الوحيده وانا مش هضايقه
بس لما اروح منهم تبقا تجي تقعد معها اختها تربى العيال

انا مضغوطه اني يقيت ٢٨ سنه ومتجوزتش وبشتغل ومتضغوطه ف الشغل المشكله لازم ابان قويه وتمام مع كل الناس بس للاسف بطلع كل الضغوط ديه ف اني بتعصب ع ماما ع اي حاجه ببقي زعلانه واندم واقول مش هعمل كده تاني بس بتعصب تاني بقولها معلشي انا مضغوطه واسحتملني بس هي بتزعل مني ودا حقها
وانا عارفه اني غلطانه ونفسي ف حل

انا في منتصف العشرينات مسبقليش الارتباط قبل كده متقدملي واحد كان مطلق و معه ابن اتصرف ازاي

هو الاعتراف عبيط شوية بس بجد الموضوع مزعج يا بنات انا عندي جرح في مناخيري، الجرح ليه اسبوع ومش قادرة اتنفس منه كويس، ازاي انجرحت انا مش عارفة وهوا جرح سطحي بس لما باجي اشيله عشان اقدر اتنفس بيوجعني جدا جدا + انفي بيرعف كتير قولولي اعمل ايه وهل هحتاج لدكتور؟

لو واحده كرهت جوزها وكرهت كل حاجه فيه ومش قادرة تكمل حياتها معاه بسبب حاجات كتير هو عملها خلتها تكرهه وهو تاب واتغير بس مش قادرة ترجع تحبه زي الاول ونزل من نظرها تعمل ايه تكمل معاه وتظلم نفسها ولا تسيبه وتظلم اولادها وتظلمه زي ما بيقول هي حاولت كتير تعيش وتتأقلم بس مش قادرة مجرد لما بيقربلها بتتخنق وتتعب نفسيا وحاسه انها شايله ذنب كبير

عندى بوردلاين وأضطرابات تانية فشخصيتى بتخلينى انجذب لاكتر من راجل فنفس الوقت ومعرفش أقول لا أو أتحكم فى مشاعرى، مصاحبة راجل خاطب عن حب تلت أو أربع سنين وبينا حاجات جنسية ، مبعرفش اقاوم ده ومبعرفش افرق بين مشاعرى الحقيقية واضطرباتى ده بيخلينى احس انى رخيصة، نفسى ارتبط وابدا حياة جديدة وفيه شخص دلوقتى فحياتى ومناسب المفروض احكيله ولا لا عن الى فات؟

انا ١٧ سنة و كنت مرتبطة بشاب بس سبته عشان كنت زهقت من علاقتنا و بعد كده افتقده ، افتقد انى اكلم ولد و يبقي شات ما بين ولد و بنت ، انا مش بحب اكلم صحابي البنات بس بحب اكلم شباب ، المهم لما رجعتله من يومين،زهقت برده من كلامنا و مش عايزة اكمل ،بس خايفة اسيبه و ابقي عايزة ارجعله تانى زى اللى حصل بس ساعتها هو مش يوافق ،قولولى اعمل ايه

انا متجوزه وبحب جوزي بس هوا بيتجهلني وعندو بردو في مشاعرو ليه كمان اتخانقت معاه علي حاجات كتير مش بتعجبني وبيريحني وبيعمل كده من ورايا واكتشفت صور خطبتوه الي قبلي علي اللاب وقاعد يقولي لاء انا مبفكرش فيها ومحبهاش وحاجات كتير معانها خنتوه كذه مره واناالي محفظه عليه مش معبرني كمان مخلنيش اكمل تعليمي انا تعبت ومش قادره استحمل

مش عارفه اعمل ايه ؟
انا ولدت تؤام بقالي فتره ومعايا بنت ديما مضغوطه وعصبيه ومش قابله حد يضايقني بكلمه حتي ديما جوزي بيتخانق ع اتفه الحاجات بسبب العيال مثلا بيعيطو وهو عايز ينام ولا بيساعدني ف حاجه ولا واقف جمبي ولا بيتكلم معايا ولما بطلب منه يصلح حاجه بيطنش وفين وفين لما بيعملها بعد زني طبعا وع طول لوحدي مع ان ف بيت عيله فقررت اتجنبه وهو ابن عم

انا مطلقة عندى ٣٠سنة ومعايا بنت واتقدملى واحد مطلق ومش معاة اولاد واهلى سالو علية وطلع انسان محترم ولاىبيشرب ساجير وبيصلى بس مش عايز يكتب قايمة بابا رفض قالو خلاص هجيب كل حاجة رفض اللى هى هتجيبة واكتب مؤخرا وادفع مهر بابا برضو رفض رغم ان انا عن اتنزلت عنكل حاجة علشان يطلقنى ومش بيصرف على بنتة وانا بشتغل ومحتاجة ارتاح واقعد اعمل اية علشان اقنع بابا

و كمان في البيت أي حاجة بابا بيقولي عليها لا خروجة او مشوار او فرح حد من صحابي و مبعرفش اتناقش معاه بسكت و بس و بفضل اعيط لحد ما مبقاش عندي صحاب كلهم بطلوا يعزموني او يقولولي نخرج عشان عارفين اني مش هاجي بسبب بابا، بقيت لواحدي ومش عارفة اتكلم وازعل بابا مني و نتخانق بس كمان مبقاش عندي حد يسمعني ياريت تنصحوني بدكتور نفسي او تقولولي اعمل ايه