إكزيما الجلد أصبحت مصطلح متداول جدا في الفترة الأخيرة، بس إيه هي اكزيما الجلد؟ واسبابها وعلاجها، ده اللي هنتكلم فيه مع بعض النهاردة في المقال ده.
ايه هي إكزيما الجلد؟
الاكزيما ليها اسم تاني وهو التهاب الجلد التأتّبي، ودي عبارة عن التهاب جلد مزمن وبتيجي في اشكال وأنواع كثيرة، وعلى فكرة هي ممكن تصيب كل الأشخاص بمختلف الأعمار لكن هي بتظهر بكثافة عند الاطفال وفي المعتاد بتختفي قبل سن المدرسة، لكن في حالات تانية بتستمر معاهم في مراهقتهم واوقات تمتد لحد سن البلوغ.
أنواع الاكزيما
- التهاب الجلد الدهني
- اكزيما اليد
- اكزيما خلل التعرق
- الاكزيما التثاقلية
- التهاب الجلد العصبي
- التهاب الجلد الحلئي
- التحسس الذاتي
-
التهاب الجلد الدهني
النوع ده بيظهر في شكل تقشير لفروة الرأس و الحواجب و الوجه بتكون جافة او دهنية ، وبتظهر اعراضه عند حديثي الولادة طفح جلدي سميك ، أصفر ، متقشر وله أسم تاني اللي هو غطاء المهد.
-
اكزيما اليد
دي أكتر نوع شائع وبتظهر دايما في منطقة اليد و بين الاصابع .
-
اكزيما خلل التعرق
لما بيحصل خلل التعرق في راحة أو زي ما بنقول بطن اليد وبين الاصابع، ودي اعراضها بتكون عبارة عن ظهور حاجة زي النتوءات أسمها الحويصلات بتكون سميكة ومتشققة و وبيزيد إحساس الحكة بليل، النوع ده مشكلته إنه بيسوء جدا مع ارتفاع درجات الحرارة، وبيتصنف دايما انه نوع من انواع اكزيما اليد.
-
الاكزيما التثاقلية
النوع ده بيظهر للناس اللي عمرهم أكتر من 50 سنة، وبيظهر بشكل أساسي في منطقة الكاحل، كعب الرجل يعني، واللي بيصابوا فيه بيكونوا أصلا بيعانوا من ضعف في الدورة الدموية والدوالي، اعراضها بتكون احمرار، قشور، سواد الجلد، و الحكة، وممكن توصل لقرحة في الساق.
-
التهاب الجلد العصبي
النوع ده بيظهر في شكل حكة في الجلد شبه جدا التهاب الجلد التأتبي،و بيسبب بقع كبيرة على الجلد ، و بس ممكن علاجه من خلال تعديل أسلوب الحياو والأدوية المضادة للالتهابات .
-
التهاب الجلد الحلئي
ظهوره بيكون نتيجةللاصابة بشكل من أشكال الاضطراب الهضمي، وبيتركز في منطقة الذراعين والفخذين والركبتين والظهر و يسبب طفح جلدي، والوضع بيكون سيء أكتر في الليل ، و ده علاجه بيكون باتباع نظام غذائي مناسب.
-
التحسس الذاتي
النوع ده بيحصل كرد فعل للعدوى بالطفيليات أو الفطريات أو البكتيريا أو الفيروسات. ومكان ظهوره على الجسم بيكون قريب من مكان الإصابة الأصلية ، و لكنه بيخف او يعني بيحصل شفاء منه بمجرد علاج الفطريات و البكتيريا .
و وعلى فكرة فيه انواع تانية زي إكزيما اللقاح و الاكزيما اللي بتظهر من تناول الادوية و الأكل و المواد الكميائية و غيرها، ده نوع من المرض بيندرج تحته أنواع كتيرة جدا.
أسباب الإكزيما
لحد النهاردة مافيش سبب محدد للاصابة بالإكزيما ، و لكن تم رصد مجموعة من الأسباب اللي بتعتبر محفزة لتكوينها، أوقات بيكونالسبب وراثي، او نتيجة لخلل الجهاز المناعي ، و طبعا فيه اسباب تانية بتساعد في تهيج الاكزيما زي:
- استخدام المواد الكميائية زي: الصابون نافذ الرائحة، مش مكون من مواد طبيعية يعني ، المنظفات و المعقمات .
- الفطريات و البكتيريا و الفيروسات .
- انواع من الاكل المعروف إنها بتسبب حساسية زي منتجات الالبان و المكسرات والقمح و غيرها.
- ارتفاع درجة الحرارة في الصيف و التعرق .
- الحالة النفسية و التوتر .
- وحاجات معروف عنها إنها بتهيج الجهاز المناعي زي حبوب اللقاح في الربيع، أو لعاب وشعر الحيوانات ، وأنواع من الأقمشة زي الصوف.
علاج إكزيما الجلد
- أوقات مرض الاكزيما ممكن يكون مزمن، والموضوع بيحتاج تجربة أنواع علاج مختلفة على مدى شهور وأحيانا سنين علشان يبقى من الممكن السيطرة عليه، وده طبعا مع الوضع في الاعتبار غنها ممكن ترجع في حالة نوبات حتى لو العلاج ناجح.
- التشخيص المبكر للحالة بيساعد جدا في السيطرة عليها أسرع، خصوصا إن علالجها الأساسي بيكون الترطيب، لو محصلش تحسن فالطبيب ممكن يقترح نوع أو أكتر من العلاجات القائمة على الأدوية وانواع جلسات جلدية.
علاج إكزيما الجلد بالأدوية
-
الكريمات المقاومة للحكة والقادرة على إصلاح البشرة.
-
أدويةلمكافحة العدوى: ودي بيتم فيها وصف مضادات حيوية لو فيه عدوى بكتيرية أو فيه قروح وتشققات على سطح الجلد
-
أدوية تؤخذ عن طريق الفم لمقاومة للالتهاب: أوقات الطبيب بيوصف أنواع من الادوية بتتاخد عن طريق الفم لكن مش لفترة طويلة لأن ليها أعراض جانبية خطيرة محتملة .
علاجات أخرى
- الكمادات الباردة بتساعد على تخفيف الأحساس بالحكة.
- أستخدام مضادات الحساسية زي مضادات الهيستامين اللي تقدر أنها تخفف جدا من إحساس الحكة القوية.
- العلاج المعتمد على الفحم الطبي لتخفيف الحكة.
- المعالجة بالضوء زي مثلا تعريض الجلد للأشعة فوق البنفسجية.
إكزيما الرضع (الطفلية)
علاج الأكزيما عند الرضع (الأكزيما الطفلية) قايمة في الأساس على :
- تحديد مهيجات جلد الرضيع وتجنبها
- تجنب درجات الحرارة الشديدة
- ترطيب جلد الرضيع بزيوت خاصة بالاستحمام أو غسول للرضع أو الكريمات أو المراهم
الوقاية من إكزيما الجلد
من الممكن منع ظهور مرض الاكزيما أو التخفيف منها عن طريق اتباع مجموعة من الارشادات البسيطة :
- استعمال مرطبات الجلد باستمرا مواد للحفاظ على رطوبة الجلد.
- البعد عن تغيرات درجات الحرارة الحادة.
- تجنب التعرق الشديدأو التدفئة المفرطة.
- محاولة تخفيف الضغط النفسي والتوتر.
- محاولة البعد عن المواد المثيرة للحكة زي الصوف.
- التوقف عن استخدام أنواع معينة من الصابون ومواد التنظيف.
- الوعي والانتباه لأنواع الاكل اللي ممكن تسبب ظهور الاكزيما والحرص على تجنبها.
التعليق باستخدام حساب فيس بوك