محتويات المقال
أوقات كتير بييجي لنا شكاوي من مدارس ولادنا ومن مستواهم أو درجاتهم في الامتحانات وبنقيس عليها علطول من نفسنا مستوى ذكائهم وأسرع حاجة دماغنا بتروح لها لو المشاكل متكررة هي إنه عند صعوبات تعلم. بس المفاجأة إن الدراسات بتقول إن أطفال كتير من اللي مستواهم الدراسي مش عالي بيكون عندهم نسبة ذكاء وقدرات إبداعية أعلى من غيرهم ولكنها مش متوظفة بالطريقة أو في المكان الصح. عشان كده، بييجي أهمية اختبار الذكاء أو الـ IQ test واللي هنتكلم عنه في مقال النهارده.
ذكاء الأطفال والمذاكرة: “ابني ذكي .. بس مش بيذاكر”
إيه هو اختبار الذكاء؟
هو عبارة عن مجموعة أسئلة اتعملت عن طريق عالم النفس الفرنسي ألفريد بينيه بتتسأل للطفل عن طريق المختص بتبدأ صعوبتها تزيد تدريجي بداية بمستوي الطفل ذو القدرات المختلفة ذهنيًا لحد الطفل فائق الذكاء.
الكدب عند الأطفال: ابني بيكدب كتير .. الأسباب والعلاج
إمتى أعمل لابني اختبار الذكاء؟
- لو حاسة إن طفلك موهوب. أو عنده مشكلة فكرية مسببة له صعوبة تعلم.
- عشان تحددي نقاط القوة والضعف عند الطفل، وده هيفيدك جدًا تنمّي قدراته.
- الاختبار بيفيد كمان في إننا نقدر نكتشف مواهب الطفل وإيه أكتر مواد بيحبها أو شاطر فيها.
- بتساعدنا كمان نعرف نوع التعليم المناسب للطفل، أو لو محتاج تعليم مناسب لصعوبات التعلم.
ممكن نعمل اختبارات الذكاء فين؟
الأماكن المتاحة لاختبارات الذكاء الدقيقة ممكن نلاقيها في مكان معتمد في مصر زي “معهد الدراسات العليا للطفولة” واللي موجود في جامعة عين شمس، وممكن كمان نقدر نعمله في أي مركز متخصص من مراكز التخاطب وتعديل السلوك الكبيرة، ده غير إنه متاح أونلاين على بعض المواقع الإلكترونية زي موقع IQ Test for kids. بس طبعًا لو محتاجة حاجة معتمدة ودقيقة تقدميها لجهة خاصة بتقييم طفلك يبقى ما انصحش إن الاختبار يتعمل أونلاين.
وفي النهاية، عايزة أفكر نفسي وأفكر أي أم كمان إن مش لازم يكون فيه مشكلة عند طفلي ومحتاجة حل عشان الجأ لاختبارات الذكاء. بالعكس احنا كلنا محتاجين نستخدمها عشان نكتشف نقط قوة ولادنا والطريق الصح الأنسب لهم يدخلوه ويحاولوا فيه بدل ما نفضل نضغط عليهم في السكة الغلط.
التعليق باستخدام حساب فيس بوك