محتويات المقال
فصل الشتاء دخل رسمي، والمطر والهوا الشديد واختلاف الجو بدأ، وإحنا كمان هنبقى أكتر عُرضة للإصابة بنزلات البرد بسبب الانتقال من الجو الدافي في البيت أو الشغل، للجو البارد في الشارع، وما بين إننا بنتقل في الملابس في الليل أو الصبح بدري وبنخفف أثناء النهار، وهكذا..
علشان كده لما بتجيلنا نزلات برد، الكلمة اللي بنقولها دايمًا: “دور برد عادي” وبنتأقلم معاه بالراحة والمشروبات الساخنة، بس المشكلة لما ما بيكونش دور برد “عادي، طيب أعرف إزاي؟ ده اللي هنقوله ليكي في المقال ده:
إيه هو دور البرد العادي؟
التهاب بسيط في الأنف والحلق، وبيستمر حوالي إسبوع، وممكن تزيد فترته عند كبار السن أو اللي بيعانوا من مشاكل صحية تانية.
أعراض دور البرد:
بين يوم أو ثلاثة أيام بعد دخول فيروس البرد إلى الجسم، بتبدأ الأعراض في الظهور:
- سيلان الأنف.
- احتقان.
- العطس.
- ضعف حاسة التذوق والشم.
- كحة.
علاج دور البرد:
- الراحة
- التقليل من الكافيين الموجود في القهوة والشاي والنسكافيه.
- ما تستخدميش المضادات الحيوية لعلاج أدوار البرد العادية.
- اشربي مياه كتير.
- وتناول الأدوية اللي مش محتاجة وصفة طبية، زي دواء 123.
ليه أستخدم دواء 123؟
علشان بيحتوي على 3 مواد فعالة:
- باراسيتامول: مسكن للألم وخافض للحرارة ومسكن للصداع.
- كلوروفينرامين: واللي بتقلل من احتقان الحلق.
- سودوإفيدرين: مضاد للحساسية، وعلاج لكل الأعراض الأنفية المصاحبة لنزلة البرد.
فمش هتضطري تاخدي أكتر من دواء في نفس الوقت، لأن 123 علاج شامل لكل أعراض نزلة البرد.
دليلك السريع للتعامل مع نزلات برد طفلك في الشتاء
إمتي أقلق من دور البرد العادي؟
لما تظهر الأعراض دي كمضاعفات:
- التهاب حاد بالأذن (التهاب الأذن الوسطى)، ودي من أكتر المضاعافات الشائعة لأدوار البرد العادية.
- التهاب الجيوب الأنفية.
- التهابات مختلفة زي الالتهاب الرئوى، والتهاب الشعب الهوائية.
- ارتفاع دائم في درجة الحرارة وعدم نزولها مع الخوافض والكمادات.
- القيء.
- الطفح الجلدي.
- ألم شديد في الراس أو البطن.
- صعوبة في التنفس أو ضيق النفَس.
- ألم الصدر.
- الدوخة المستمرة.
- النوبات التشنجية.
- الضعف الشديد وألم العضلات.
وطبعًا بتزيد الأعراض عند المصابين بالربو والمدخنين والمصابين بأي أمراض مناعية.
إذا ظهرت أي أعراض من المضاعفات دي، وقتها لازم تستشيري الدكتور فورًا.
وبنتمنالك السلامة ليكي ولكل أفراد أسرتك.
المصادر:
التعليق باستخدام حساب فيس بوك