محتويات المقال
ممكن تكوني سمعتي قبل كده عن “مسامية الشعر” وسألتي: يعني إيه؟ أو ليه ممكن يكون مهم بالنسبالك؟ علشان كده في المقال ده هنتكلم سوا عن إيه هي مسامية الشعر وإزاي بنختبرها؟ وإيه أهميتها بالنسبة لصحة الشعر وجماله؟:
كيفية تكوين الشعر الأول
الشعر بيتكون من 3 طبقات هما:
- البشرة الخارجية: ودي الطبقة اللي بتحافظ على بصيلة شعرك، وهي عبارة عن جزيئات صغيرة متداخلة.
- القشرة: وهي الطبقة السميكة من شعرك، ودي بتحتوي على بروتينات وصبغة هي اللي بتدي شعرك لونه المميز.
- اللب: وده الجزء المركزي الناعم في جذع الشعرة.
- وعشان يفضل شعرك صحي ورطب، لازم تكون المياه والزيوت ومنتجات الترطيب التانية قادرة إنها تمر عبر البشرة عشان توصل للقشرة وتفضل محتفظة بالترطيب ده.
- بس لو كانت بشرة بصيلة الشعر جزيئاتها قريبة جدًا من بعضها، ده معناه إن المياه والزيوت مش هيقدروا يخترقوا البصيلة بسهولة، وهيكون صعب على شعرك إنه يكون رطب بسرعة.
- لو كانت جزيئات البشرة متباعدة فشعرك صح هيكون رطب بسرعة بس الرطوبة دي هتختفي بسرعة بردو.
معنى مسامية الشعر
قدرة شعرك إنه يكون رطب، وهل يقدر يحتفظ برطوبته لأطول فترة ممكنة؟
أجمد 10 أنواع مكواة الشعر بيبى ليس وأسعارها
إيه اللي بيسبب المسامية العالية أو المنخفضة؟
الطريقة اللي شعرك ممكن يمتص بيها الرطوبة ويحتفظ بيها بتتدخل فيها عوامل كتير من أهمها:
- الوراثة: لو عيلتك أغلبهم عندهم مسامية منخفضة ففي الغالب إنتي كمان شعرك هيكون زيهم.
- تجفيف الشعر وصبغه وفرده والغسيل الكتير، والمنتجات القاسية على الشعر ممكن يسبب المسامية العالية لشعرك وما يقدرش يحتفظ برطوبته وزيوته الطبيعية.
- التعرض الكتير للشمس ممكن يسبب مسامية شعرك العالية كمان.
إزاي تقدري تعملي اختبار المسامية لشعرك ؟
من أسهل الطرق لاختبار المساميه هي اختبار كوب المياه:
- بتغسلي شعرك بالشامبو وتشطفيه كويس عشان تشيلي أي تراكمات من المنتجات اللي بتستخدميها.
- املي كوب مياه.
- أول ما شعرك ينشف خدي شعرة واحدة من شعرك وحطيها في الكباية وراقبيها لو كانت هتنزل تحت أو هتفضل فوق على سطح المية.
- المسامية منخفضة: لو شعرك طلع على سطح المياه قبل ما ينزل لتحت فغالبا شعرك مساميته منخفضة.
- المسامية الطبيعية: لو الشعرة فضلت في مكان في نص الكوب فده معناه إن شعرك مساميته متوسطة أو طبيعية.
- مسامية عالية: لو الشعرة غاصت بسرعة لآخر الكباية فغالبا شعرك مساميته عالية.
وأخيرًا فيه اختبار غير دقيق وهو إنك تمرري خصلة من شعرك على صوابعك، الشعر اللي مساميته منخفضة هيكون أنعم لكن اللي مساميته عالية هتحسي بالخشونة لأن مساماته مفتوحة.
وتقدري تشوفي قسم العناية بالشعر في موقع رحة بالي، علشان تعرفي معلومات أكتر عن كل ما يخص شعرك.
المصادر:
التعليق باستخدام حساب فيس بوك