محتويات المقال
كتير أولادنا بيكون عندهم أعراض مش عارفين بالظبط هي برد ولا تعب في البطن ولا عبارة عن إيه أو إيه سببها. النهارده، جمعنا لك كل أعراض الحساسية بأنواعها عشان لو ظهرت على أطفال تكوني عارفة إنها حساسية.
أعراض الحساسية من مأكولات بعينها:
- وجع البطن
- الكحة
- الإسهال
- الدوخة
- الحكة
- الترجيع
- ورم الوش، أو الرجل، أو الدراع
- ضيق الحلق
- صعوبة التنفس
ازاي تتفاديها؟
الرضاعة الطبيعية كمصدر وحيد للتغذية لحد عمر 6 شهور.
الحد من كميات منتجات الألبان والسمك والبيض والمكسرات أثناء الحمل والرضاعة.
ازاي تتعاملي معاها؟
بمجرد ظهور العلامات، ارجعي لطبيب الأطفال، اللي غالبًا هيوصف نوع أدرينالين معين يكون معاكي دايمًا في حالة الضرورة، عشان تستعمليه أول ما الأعراض تظهر على الطفل.
أعراض الحساسية الموسمية:
- الرشح
- الحكة في الأنف
- الدموع الغزيرة
- العطس
- (بعض الأحيان) ألم الأذن
وأهم من كل ده، إن الأعراض بتظهر بشكل عنيف ومكثف في فصول معينة أو مع هبوب رياح محملة بأتربة وورق شجر.
ازاي تتعاملي معاها؟
طبعًا تتوجهي لدكتور الأطفال، وغالبًا هيوصف لطفلك مضادات هيستامين. وفي حالات الحساسية الأكبر اللي بتؤدي لضيق التنفس، غالبًا، هيوصف له بخاخة.
أعراض الحساسية المنزلية:
- انسداد الأنف
- العطس
- الحكة في العين
- على عكس الحساسية الموسمية، الأعراض بتفضل موجودة في كل أنواع الطقس.
ازاي تتفاديها وتتعاملي معاها؟
- تجنبي الموكيت
- اكنسي باستمرار
- استخدمي غطا للمراتب
- اغسلي الملايات بميا سخنة وجففيهم في مجففة مش على الحبال.
المصادر
WebMD 1
WebMD 2
MAT-EG-2000615
التعليق باستخدام حساب فيس بوك