محتويات المقال
في فترة الحمل بتحتاج المرأة إلى عناية فائقة فعلا خلال للحفاظ على صحتها وصحة الجنين، ومع دخول موسم الشتاء بيجي دايما التساؤل عن إيه هي النصائح اللي لازم اتباعها في فصل الشتاء للحامل؟ فيه خمس نصائح من المهم تتبعها المرأة الحامل في الشتاء، وده على حسب موقع parenting.firstcry.com
البسي جاكيت
هي صحيح نصيحة تقليدية، إلا أنها مهمة جدا، وده بهدف الحفاظ على دفئك خلال الشتاء، هتلاقي نفسك محتاجة تشتري واحد جديد يتناسب مع تغير شكل جسمك بسبب الحمل، وخصوصا في الأوقات شديد البرودة.
شرب كميات من الماء
الجو البرد بيخلي كتير مننا ننسى نشرب مياة، وده شيء ليكي إنك تتخيلي هو خطر قد ايه على المرأة الحامل، خصوصا أن الشتاء يسبب الجفاف بسبب حرارته الباردة، ده غير أن العصائر والسوائل مش ممكن نعتبرها تعويض كافي عن الماء، علشان كدة لو لاقيتي نفسك من النوع اللي بينسى يشرب مياة نزلي على موبيلك أي ابلكيشن يساعدك على تذكر شرب المياة بإنتظام .
لقاح الأنفلونزا
من الأفضل أن الأم الحامل تاخد لقاح الأنفلونزا، خاصة أن فترة الحمل بتكون مصحوبة بضعف المناعة، وأكيد استشيري طبيبك قبل اي إجراء.
انتظمي على التمارين
من المهم للمرأة الحامل ممارسة نشاط بدني منتظم، إلا أن اللي بيحصل في الشتاء بيخلي الخروج من المنزل للتمشية، أو انك تروحي الجيم حاجة صعبة جدا، علشان كدة تقدري تمارسي الرياضة بتمارين بسيطة زي اليوجا في البيت.
استخدمي المرطبات
الهواء البارد بيسحب الرطوبة من الجسم، ده بإضافة طبعا أن الاستحمام بالماء الساخن في الشتاء بيسبب جفاف الجسم، علشان كدة من المهم جدا العناية بالبشرة باستخدام المرطبات في الشتاء، وحاولي على قد ما تقدري إن الاستحمام يكون بالماء الفاتر مش الساخن، تقدري تستخدمي كريم الترطيب على منطقة البطن والساقين والصدر واليدين.
وفيه مجموعة نصائح تانية أساسية لازم المرأة الحامل تاخد بالها منها جدا سواء الجو كان صيف أو شتاء، زي مثلا:
اختاري مكملات غذائية خلال فترة الحمل:
تغذية الحامل .. 5 عناصر أساسية للتغذية بدون زيادة الوزن
الفيتامينات المخصصة للمرأة خلال فترة الحمل مهمة لتطور النخاع الشوكي والأعصاب عند الجنين، وبعض الأطباء بينصح بتناولها قبل اتخاذ القرار بالحمل يعني في مرحلة الأستعداد للحمل، أو حتى كأسلوب حياة عام. من المهم جدا التأكد من أن المكملات بتحتوي على الأقل 30 ملليجرام من الحديد، وبين 600 و800 ميكروجرام من حامض الفوليك.
ركزي على حامض الفوليك:
أثبت حامض الفوليك قدرته على تقليل خطورة ظهور العيوب الخلقية عند الأجنة، والتحفيز على التطور الطبيعي للخلايا، حامض الفوليك موجود في أطعمة زي العدس والفاصولياء الحمراء والسبانخ والحمضيات.
كتري من المأكولات الغنية بعنصر الحديد:
تزيد كمية الدم في جسم المرأة الحامل بنسبة 40 في المائة خلال الحمل، اللي بيسبب زيادة حاجتها إلى عنصر الحديد. لكن للأسف كتير من السيدات بتهمل التزود بعنصر الحديد بالشكل الكافي، وده في حد ذاته بيعرضها لخطر الإصابة بفقر الدم، اللي يعبر سبب رئيسي وراء الولادة المبكرة وولادة الطفل بوزن أقل من الطبيعي، بالإضافة طبعا لشعور الأم بالإرهاق المستمر،علشان كدة من المهم إنك تتأكدي من تناول أغذية غنية بالحديد، زي البيض واللحم والسبانخ والعدس.
لا داعي للتوقف عن شرب القهوة:
لا مانع من شرب القهوة، بلا مبالغة، مافيش مشكلة في تناول كوباية القهوة أو حتى مشروب غازي كل 8 ساعات، أما المبالغة بشرب القهوة فيسبب بمعدل نبض غير طبيعي لدى الجنين.
ما تكتريش من تناول الطعام:
الإكثار من تناول الطعام خلال الحمل بيسبب السمنة، اللي قد تزيد من إمكانية إصابة الطفل بالبدانة في حياته عموما، بالإضافة إلى إمكانية إصابته بالسكري وأمراض القلب، كل اللي بتحتاج المرأة الحامل إليه هو 300 سعرة إضافية يوميا بس.
تناولي الأطعمة الغنية بالألوان:
بتحتاج النساء الحوامل إلى جرعات إضافية من مضادات الأكسدة، بسبب خطر الشوارد في الجسم، علشان كدة لازم تناول الأطعمة الغنية بالألوان، زي أنواع التوت والحمضيات والخضار الورقية الداكنة اللون.
اهتمي بعنصر الكالسيوم:
يمتص جسد الطفل عنصر الكالسيوم من جسم الأم لنمو العظام، وفي حال نقص العنصر ده في جسم الأم، يبدأ جسم الجنين بامتصاص الكالسيوم من عظام الأم، علشان كدة على الأم أن تحرص على شرب ألف ميلليجرام من الكالسيوم يومياً.
تقدري تقولي إن دي الخطوط العامة اللي هتحتاجي تلتزمي بيها خلال فترة الشتاء ثناء حملك، علشان تقدري تستمتعي بحالة صحية جيدة وتتجنبي حدوث أي أمراض، وأكيد ما تنسيش تجنبي التجمعات وخصوصا في الأماكن المغلقة لتجنب حدوث اي عدوى من أي نوع، فترة الحمل فترة مناعتك بتكون ضعيفة ومحتاجة دعم وحماية في نفس الوقت.
التعليق باستخدام حساب فيس بوك