محتويات المقال
المهتمين ببرج الميزان هيلاقوا دايمًا كلام كتير عن صفات امرأة برج الميزان، أو صفات رجل البرج، وده بيسهل جدًا التعامل معاهم. إنما غالبًا مش هتلاقي حاجة توصف لك ازاي تتعاملي مع طفل برج الميزان.
أحسن ألعاب لطفل برج الميزان
آلات موسيقية ولبس تنكري أو لبس شخصيات، لإن برج الميزان بيحب الأنشطة الإبداعية والخيالية والتمثيل، وممكن يفضلوا ساعات بيألفوا أغنية أو لابسين شخصيات وبيتكلموا زيها وبيمثلوها في أوضتهم أو في البيت كله.
أحسن أنشطة بيفضلها طفل برج الميزان
سمعيهم أغاني وارقصوا كتير سوا. بيحبوا الإيقاع جدًا وبيحبوا الرقص جدًا جدًا – خصوصًا لو بيرقصوا مع ماما وبابا.
ازاي تتعاملي معاهم؟
- سيبيهم يعبروا عن مشاعر الغضب. لازم طفل برج الميزان يعرف إن الغضب مسموح به وإنك لسه بتحبيهم حتى وهم غضبانين. بالطريقة دي، هتعرفي تتعاملي معاهم كويس جدًا لإنهم هينفسوا عن غضبهم وهيعرفوا إنك قابلاهم وحاباهم في كل أوقاتهم وأحوالهم.
- سيبي لهم مساحة ووقت للعب. هم أذكيا جدًا وطريقة أساسية من طرق تعلمهم عن الحياة وعن نفسهم هي اللعب. كمان كونهم اجتماعيين بيخلي اللعب مع أصحابهم في مكان مفتوح من أمتع الأنشطة اللي ممكن يعملوها.
- العبوا مزيكا. زي ما قلنا، المزيكا والرقص من الأنشظة المفضلة لطفل برج الميزان. فخلق جو من المزيكا وكإن فيه موسيقى تصويرية لحياتكم بيكون جميل.
مراهق برج الميزان
الحاجات اللي بيحبها مراهق برج الميزان:
الاجتماعيات: لإنهم اجتماعيين، هتلاقيهم بيقضوا معظم الوقت برا البيت ومع الأصحاب، وحتى لو جوا البيت، هيكون بيتكلم مع أصحابه على التليفون كتير. هنا ييجي دورك في إنك تعملي ساعة في اليوم ممنوع فيها التليفون ويكون لازم عليهم يقضوا الوقت في الساعة دي معاكم انتي والأب والأخوات. هيكون فيه اعتراض شوية في الأول، لكن بعد كده هيحبوا الوقت ده لإنه جزء من كونهم اجتماعيين.
اللوك الجامد: بيحبوا يكونوا متميزين جدًا في طلتهم، لدرجة إنهم ممكن يقضوا ساعات قبل كل خروجة بيطقموا بنطلونات على تيشيرتات وبلوزات وفساتين على أحذية.
الروتين: الروتين اللي بيكون مرة في الأسبوع مثلًا بيحسسهم بالأمان والحماية عن طريق النظام.
التعليق باستخدام حساب فيس بوك