ازاي تعملي لنفسك جلسة Spa في البيت

كل ست بتدور على طريقة تدلع بيها نفسها، وتساعدها في العناية ببشرتها وشعرها وجسمها، علشان كده هنشاركك أفكار لجلسة سبا Spa منزلية مميزة تقدري تعمليها في أي وقت عشان تحصلي على شعور الاسترخاء والدلع، صحيح مش هتبقى زي جلسة السبا المتخصصة بس هنحاول نوصل بيها لمستوى معقول جدا، الأفكار دي هتديكي نفس إحساس التدليل والرفاهية وفي بيتك لوحدك.

ودي الخطوات:

• الإضاءة:

إضاءة السبا من الحاجات المميزة للمكان وعشان تجربيها في البيت تقدري تستبدلي الإضاءة بدل لمبات المكان الكهربائية القوية اللي بتحفز الشعور بالقلق، بالشموع العطرية اللي ريحتها مميزة، استخدمي أي نوع شموع بتحبيه واشتغلي أكتر على أماكن توزيع الشموع دي في المكان بحيث توصلي للإضاءة اللي تدخلك في المود.

•  المياه الدافية:

املي حوض الاستحمام بمياه دافية وقضي وقت كافي جوا المياه، ضيفي كرات الصابون الفوارة حسب الشكل المفضل ليك والعطر المفضل ليك كمان وضيفي للميه بعض أملاح الاستحمام المميزة، الأملاح دي فيها مزيج الماغنيسيوم والبوتاسيوم، وده بيساعد على استرخاء عضلات الجسم، وترطيب البشرة بشكل عميق وتخليصها من السموم.

• مستحضرات التقشير:

تقشير بشرة الجسم من أكتر الحاجات المفيدة اللي بتتعمل في السبا، وعشان كده استخدمي مستحضرات التقشير اللطيفة، زي حبيبات الطمي اللي هتساعدك على تقشير الطبقة الأولى من البشرة، وهتخلصك من خلايا الجلد الميته عشان تسيبها ناعمة ورطبة وليها ملمس ناعم وريحة جميلة.

أجمد 10 كريمات ترطيب البشرة في الشتاء بالأسعار

• العناية بفروة الرأس:

عشان جلسة السبا تبقى مفيدة وتخلصك من حدة اليوم والشعور بالتوتر لازم تجربي التدليك العميق لفروة الرأس، استخدمي المنتجات اللي فيها حبيبات مخصصة للفرك وبحركات دائرية تقدري تحصلي على جلسة تدليك كاملة لفروة راسك، بعد كده اغسلي شعرك بشامبو مهديء لفروة الرأس وسيبيه شوية وبعدين استخدمي بلسم الشعر المرطب عشان تحصلي على شعر مرطب ومنتعش وجميل.

اعملي بنفسك: طريقة عمل بلسم للشعر في البيت

• اهتمي ببشرة الوجه:

ما ينفعش تنسي أبدا الاهتمام ببشرة وجهك وفركها بمنجات التقشير الخاصة المناسبة لنوع بشرتك عشان تتخلصي من الجلد الميت، بعد كده رطبيها كويس باستخدام كريمات الترطيب والزيوت اللي ليها ريحة عطرية، مع استخدام أدوات المساج الخاصة بأقصى استفادة من الكريم المرطب وده هيوفر عليكي وقت وهيضمن وصول الأكسجين لطبقات البشرة الداخلية وهيسيبها نضيفة وناعمة ونضرة وبتلمع.

دمتِ جميلة

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.