الأسعار دلوقتي أصبحت بتشكل تحدي لأي حد في أي بند من بنود الحياة، الأسعار بتعلى حرفيا كل يوم في سلع معينة، ودلوقتي لو حياتك قائمة أو بتجهزي بيت جديد كعروسة أو حتى متجوزة من سنين هتلاقي نفسك غصب عنك في صدام مع الأسعار، وده ممكن يخليكي تستغني عن فكرة الكمليات وتفكري فعليا في الأساسيات اللي هتحتاجي ليها كل يوم، وتقدري تجدولي باقي إحتياجاتك أو طموحاتك إنها تيجي بعد كدة.
ازاي تظبطي مصروف البيت بعد موجة غلاء الأسعار
يعني مش لازم كل حاجة تيجي مرة واحدة، ده هيكون قرار ذكي وممتاز، وخلي بالك من حاجة، متخليش الفكرة دي تزعلك أو تحسسك إن فرحتك كانت ناقصة، بالعكس، لما تقدري تكوني بيت وتنتقلي تعيشي فيه وإنتي موفرة فيه إحتياجاتك الأساسية دي بصراحة شطارة.
هكلمك النهاردة عن الأساسيات اللي هتحتاجيها في بيتك في بداية حياتك من حيث الأثاث أو العفش يعني، ركزي فيها، وبعد كدة أي حاجة تانية تيجي بعدين.
5 منتجات بسيطة هتغير شكل ديكور بيتك تمامًا
تجهيزات البيت الجديد
غرفة النوم
ما هو يا بنتي لازم تلاقي حتة تنامي فيه، لو الشقة كلها فاضية لازم سرير ودولاب كحد أدنى للحياة، وفي حالة إنك عروسة فغرفة النوم واحدة كفاية، يعني مافيش داعي لأوضة أطفال حاليا أو في مسمى أخر أوضة الضيوف، إنتي لا عندك طفل ولا هتفتحي البيت عنبر نوم، طبعا لو إنتي عندك أسرة يبقى بند غرفة الأطفال دي أساسية، وتجيبيها سرير فرد مش سرير رضيع.
المطبخ
المطبخ هو النص التاني من إحتياجك في البيت، ما إحنا لازم ناكل ونعيش يعني، علشان كدة نصيحتي إنك لما تأسسي بيتك يكون تفريك منحصر في البندين دول، مهم جدا تشتري بوتجازك وتلاجتك، والخلاط والكبة، طبعا مع الأطباق وطقم الحلل، والمعالق والكوبيات، كدة فعليا مطبخك جاهز، وتقدري تنتقلي للعيش في الشقة دي، تقدري تستغني عن بند الميكروويف وغسالة الأطباق، إنك تنوعي في أطقم الحلل، طقم واحد كفاية، وطقم أطباق واحد كفاية، بلاش تكتري على نفسك مش علشان بس المصاريف إنما كمان علشان غسيل الأطباق الكتير.
أكتر أواني طهي صحية .. لو بتجهزي أو بتجددي مطبخك
يا صالون يا ليفينج يا أنتريه
في رحلة التوفير هتلاقي نفسك بتفاضلي ما بين الغرف، إنك تجيبي ليفينج وصالون التكلفة حقيقي كبيرة، شوفي إنتي بتحبي تقعدي وبترتاحي على الصالون أو الأنتريه أو الليفنج، إختاري حاجة واحدة منهم.
السفرة
لو بتاكلوا عليها هاتيها، لو هتتجاب كتكملة ديكور للشقة أجليها.
لو إنتي في الحالة الأولى، يا ريت تعدي التفكير في موضوع الطقم الصيني وشنطة المعالق اللي عمر حد بيستخدمهم إلا علشان الضيوف اللي بيجوا مرة في السنة.
موضوع النيش ده بجد لعنة البيوت المصرية، وحاليا تكوينه إرهاق مادي غير عادي، هاتي للسفرة بوفيه أحسن من نيش أهو على الأقل هتعرفي تستفادي من أدراجه، لكن النيش لا معنى له ولا فايدة أبدا.
سفرة من غير سلطة ما تنفعش” .. 30 طبق سلطة لـ 30 يوم في رمضان”
السجاجيد والستاير
أنا من أنصار السجاجيد والستاير جدا وبعتبرها أساس الأساس في البيت، نصيحتي في السجاد، إنك تختاري مقاسه بشكل صحيح.
أفضل 10 محلات ومعارض لشراء السجاد والموكيت في القاهرة
أما الستاير فرجاء إبعدي عن الأشكال المبالغ فيها علشان تكلفتها العالية جدا وكمان مع الوقت تنضيفها يكاد يكون مستحيل، غختاري شكل بسيط سهل عليكي إنتي نفسك إنك تتعاملي معاه.
أهم 5 نصائح قبل شراء السجاد لبيتك
الملابس
حطفي أمام عينك نقطة مهمة، إنتي مقاسك بيتغير بعد الجواز، متكتريش أبدا أبدا، يعني الأعداد اللي بتتسمع دي جنون، هاتي الأساسيات بس.
10 أماكن لشراء ملابس الشتاء بأقل من 200 جنيه
المفروشات
6 أطقم ملايات و6 فوط، يعتبر رقم متوسط ومنطقي جدا، بلاش موضوع 62 ملاية و120 فوطة والكلام الغلط ده، إنتي هتلاقي نفسك بتتحركي في بحر تلات أربع ملايات بتحبيهم، الموضة بتتغير وهتلاقي نفسك عايزة تجيبي جديد.
تقدري تقولي إن هو ده كل اللي هتحتاجي في بيتك واللي هتفضلي تستخدميه سنين جاية من غير الإحتياج لحاجة تاني، وزي ما قولت لك جدولي رغباتك، متحرميش نفسك بس أجلي الكماليات وركزي في الأساسيات الأول.
التعليق باستخدام حساب فيس بوك