محتويات المقال
كريمة الطبخ هي من المكونات الأساسية في وصفات كتير، فيه منها أنواع كتير مختلفة زي كامل الدسم وخالي الدسم وأسعارها بتكون متفاوتة على حسب النوع.. كريمة الطبخ بيبقى ليها استخدامات كتير وبتدي قوام غني ولذيذ في الأكل لو استخدمتيها مع اللبن في الأكلات اللي بيبقى فيها بشاميل. وفي الموضوع ده هنعرفك أكتر على كريمة الطهي وأنواعها المختلفة.
استخدام كريمة الطبخ في عمل صوص البشاميل
وده أشهر استخدام لكريمة الطبخ، صوص البشاميل قوامه بيكون أحلى وغني أكتر لو استخدمتي كريمة الطبخ مع اللبن. وكريمة الطبخ بتستخدم في آخر خطوة من عمل البشاميل وبالتحديد في آخر ربع ساعة بتضيفيه للصوص وتقلبي كويس أوي وتسيبي الخليط على النار بعد اضافة كريمة الطبخ لمدة ١٠ دقايق تقريبًا. وكريمة الطبخ بتبقى غير مملحة فخلي بالك وقت الطبخ عشان ميبقاش دلع وضيفي الملح حسب رغبتك. وطبعًا صوص البشاميل اللي بيبقى معمول بكريمة الطبخ بيحلي أي أكلة بيدخل فيها سواء حلو أو حادق زي المكرونة بالبشاميل والقرع العسلي بالبشاميل.
أكلات مختلفة تعمليها بـ عجينة العشر دقايق
استخدام كريمة الطبخ في الحلويات
كريمة الطهي ممكن تستخدميها عادي في عمل وصفات الحلو عادي لأنها مش بتبقى مملحة، ضيفي ليها السكر أو العسل حسب رغبتك واستخدميها في وصفات الحلويات زي قرع العسل بالبشاميل والأيس كريم وكريمة الحلويات.
أنواع الجبن واستخداماتها في الطبخ
الفرق بين كريمة الطبخ (الطهي) وكريمة الخفق
أوقات كتير في السوبر ماركت بنقف في خيرة لما نلاقي التلات أنزاع قدامنا ومنبقاش عارفين نشتري إيه، بس في الحقيقة إن الفرق بين التلاتة سهل جدًا.
- كريمة الطهي: زي ما اتكلمنا مافيهاش سكر ولما بتضاف للطبخة بتتماسك وتديها قوام سميك وغني وبتتباع في عبوات ومنها قليل الدسم وخالي الدسم وكامل الدسم.
- كريمة الخفق ودي بيكون فيها سكر وبتستخدم فقط في تحضير الحلويات وبتتباع في عبوات سائلة أو على شكل بودرة.
أشهر الأكلات اللي بيدخل فيها كريمة (الطبخ) الطهي
- كوسة بالبشاميل.
- مكرونة بالبشاميل.
- مكرونة فيتوشيني بالصوص الأبيض.
- صدور الفراخ بالصوص الأبيض.
- كرات اللحم بالصوص.
- شوربة كريمة بالمشروم.
- صينية بطاطس جراتان.
- بطاطا بالبشاميل.
- تورتة شوكولاتة بالكريمة.
- فطيرة البانوفي.
طريقة عمل البشاميل وأحلى خمس أكلات بالبشاميل
التعليق باستخدام حساب فيس بوك