محتويات المقال
التفاصيل الصغيرة دايمًا بتفرق في حياتنا وخصوصًا صحة عيلتنا وولادنا. وفي الوقت اللي إحنا فيه دلوقتي، فترة أزمة الكورونا والحجر المنزلي الصحي بنحاول طول الوقت ندوّرعلى أفضل الحاجات اللي تحمينا من فيروس كورونا COVID-19 ومن أهم الحاجات اللي بتساعدنا، الاهتمام بالنضافة والتعقيم ويعتبر كلوركس هو أأمن وأقوى وسيلة لحمايتك إنتي وعيلتك.. في الموضوع ده هنعرّفك أكتر إزاي تستخدمي كلوركس صح في تعقيم بيتك وحماية أطفالك.
ليه استخدم كلوركس؟
المبيض المنزلي بيكون ليه تأثير فعال وقوي في القضاء الكامل على الفيروسات والبكتريا زي السالمونيلا والـE-Coli وأنفلونزا الخنازير H1N1 وفيروس كورونا Covid-19 وعشان كده المنظمات العالمية زي منظمة الصحة العالمية (WHO) وهيئة الغذاء والدواء الأمريكية (FDA) ومركز مكافحة الأمراض والوقاية منها (CDC) بينصحوا باستخدام المبيضات في التعقيم ويعتبر كلوركس من أقوى المنتجات العالمية في مصر اللي دايمًا بتنصح بيها المنظمات العالمية والأطباء في التعقيم.
كلوركس هيكون أمانك إنتي وعيلتك طول الوقت
أكتر حاجة بنسعى ليها الفترة دي إننا نخلي بيتنا كله أمان في فترة الحجر المنزلي، سواء كنتي بتنزلي من البيت أو جوزك بيروح الشغل أو بتستقبلي أي شخص في بيتك فأكيد هتحتاجي تاخدي بالك من أسطح البيت زي الأرضيات مثلا عشان أطفالك وبالذات لو عندك بيبي بيحبي وبيتعلم المشي.. مش بس كده ولادك طول الوقت بيبقوا قاعدين في البيت فلعبهم وأدواتهم اللي بيستخدموها على طول كمان هتكون محتاجة عناية خاصة. عشان كده تقدري تستخدمي كلوركس في التعقيم وتضمني سلامة ولادك من الفيروسات والبكتريا المختلفة، بس خلي بالك إنك لازم تراعي النسب الصح من كلوركس علشان تحصلي على أفضل نتيجة.
تعقيم لعب الأطفال
لعب الأطفال ممكن تكون مصدر كبير للبكتريا والفيروسات، هتحتاجي تغسليها صح من فترة للتانية.. وعشان تضمني الطريقة الصحيحة للتعقيم هتغسلي اللعب بالمية وهتعملي المحلول المخفف من كلوركس بالطريقة دي:
- كوب 250 مل من كلوركس السائل لكل 5 لتر من الميه الدافية.
- هتنقعي اللعب في المحلول اللي عملتيه لمدة خمس دقايق وبعدين تشتطفيهم كويس بالميه وتسيبيهم ينشفوا.
تعقيم كرسي الأطفال وترابيزة تغيير الحفاضات
من ضمن أدوات الأطفال اللي بتستخدم أكتر من مرة في اليوم هي كرسي الأكل وترابيزة الغيار وديسك المذاكرة لو أطفالك بيذاكروا، والأدوات دي كمان ممكن تكون مصدر كبير للبكتريا والفيروسات فممكن تنضفيهم باستخدام محلول الكلوركس المخفف عشان تضمني إنه يكون معقم وأمان ليهم وطريقة محلول كلوركس المخفف هي:
- ربع كوب 60 مل من كلوروكس السائل لكل 1 لتر من المية وممكن تستخدمي فوطة عليها المحلول وتعصريها كويس وبعدين تشطفي بالمية.
تعقيم الحاجات اللي بنستخدمها في يومنا وعرضة للفيروسات
بنقابل في يومنا حاجات كتير بنستخدمها معرضة للفيروسات بصورة كبيرة ومش بناخد بالنا منها زي مقابض الأبواب، مفاتيح الكهرباء، الريموت كنترول، الشبابيك.. وطبعًا عشان تحافظي على ولادك وإنتي جاية من بره لازم تقلعي الحذاء قبل دخول البيت وماتنسيش إن الحاجات اللي استخدمتيها وإنتي في الشارع هتكون أكتر عرضة للفيروس زي المفاتيح، وعشان تضمني إن الأسطح دي آمنة، لازم تعقميها كويس أوي والطريقة الصح عشان تعقميها باستخدام كلوركس هي:
- ربع كوب 60مل من كلوركس السائل لكل 1 لتر من المية.
- هاتي فوطة ناشفة وحطيها في محلول كلوركس المخفف واعصريها كويس وبعدين امسحي بيها الأسطح اللي عاوزة تطهريها.
ودلوقتي بعد ما عرفناكي النسب الصحيحة لاستخدام كلوركس بأفضل طرق في التعقيم بنحب نطمنك إن أسرتك هتكون بأمان إن شاء الله وبنتمنى ليكم دايمًا دوام الصحة والسلامة.
التعليق باستخدام حساب فيس بوك