محتويات المقال
معبودة الجماهير، سيدة العالم الأولى، فتاة الأحلام، الحورية، الجنية، الملاك اللي ما فيهوش غلطة. قصايد الشعر وأغاني الحب كلها غلطانة. مفيش بالأوصاف دي كلها إلا المكرونة! ولإن المكرونة بتتلون بكل الألوان وبتتعمل بكل الأشكال وبتتحب في كل الأحوال، إيطاليانو النهارده قررت تعرفك شخصيتك من خلال نوع المكرونة المفضلة ليكي.
ما تيجي نشوف!
المكرونة بالبشاميل
مكرونة إيطاليانو – المصدر Just Food
السفرة في رمضان ما تخلاش من المكرونة بالبشاميل، من أهم مكونات أي عزومة، ومن أهم مميزات الست المصرية الطباخة الماهرة. وبالتالي، لو نوع المكرونة المفضل بالنسبة لك هو المكرونة بالبشاميل، ده معناه إنك ست ناجحة في شغل البيت وبتحبي تحافظي على تقاليد العيلة وperfectionist.
النجرسكو
مكرونة إيطاليانو – المصدر Kitchen Keys
النجرسكو بتشترك مع المكرونة بالبشاميل في درجة التعقيد والـsophistication، وطبعًا في إنها ما تطلعش من أي حد والسلام، لازم طباخة شاطرة. لكن هي ما غزيتش السفرة المصرية بقدر المكرونة بالبشاميل. ده يخليها المفضلة لست مش بس صعبة الإرضاء، إنما كمان فيها غموض وما تفتحش قلبها من أول معرفة. مش أي رأي يقنعها ويملا دماغها، ومش أي مجهود بسيط يستحقها.
اللازانيا
مكرونة إيطاليانو – المصدر Dinner then Dessert
اللازانيا عاملة زي امرأة برج العقرب.. لو بتحبيها، يبقى انتي ست كلك سحر وجاذبية وغموض وإثارة. طبقات من الجمال مغلفة بغلاف ساحر وجذاب.
اسباجيتي بولونيز
مكرونة إيطاليانو – المصدر BBC Food
البولونيز حبيبة الأطفال.. لو هي دي المفضلة بالنسبة لك، يبقى انتي ست بروح طفلة، لسه ما فقدتيش برائتك واستمتاعك بالتفاصيل الطفولية. ما بتتكسفيش تباني طفولية قدام الناس وبتستمتعي باللعب مع ولادك.
مكرونة بالتونة
مكرونة إيطاليانو – المصدر موضوع
سريعة وخفيفة وكاملة في نفس الوقت، وده بيخليها اختيار ست عملية وما بتحبش تضيع وقتها أو ست دايمًا مشغولة جدًا. بس في الحالتين لازم تكون كمان بتهتم برشاقتها وصحتها.
أرابياتا arabiata
مكرونة إيطاليانو – المصدر Food Network
صديقة الكل، أول مكرونة بنتعلم نعملها وأسهل حاجة تتعمل. وده بيخليها اختيار شخصية الأم المحتاسة، اللي يا عيني بتجري طول اليوم ورا الولاد تلم اللعب وتلحق الكوارث وبعدين فجأة تفتكر إن الوقت راح ولازم تعمل أكل، فتعمل إيه؟ مكرونة أرابياتا. بس مش دي الشخصية الوخيدة اللي بتستهويها المكرونة الأرابياتا، فيه شخصية تانية وهي النباتية. وده لأنها نوع المكرونة الوحيد اللي مش مكون أساسي فيه اللحوم والفراخ والسمك، وفي نفس الوقت تقدر تعززها بأنواع خضار مختلفة تضيف لها كل القيمة الغذائية اللي محتاجاها.
يا ترى طلعتي أنهي شخصية مع إيطاليانو؟
التعليق باستخدام حساب فيس بوك