محتويات المقال
في أي مناسبة سعيدة بيكون للأطفال مكان فيها بتيجي فقرة الرسم على الوش االلي بيحبوها جدًا، والنهارده هنقترح عليكي أكتر من طريقة عشان تعملي ألوان صحية مناسبة لاستخدامها على وشوش الأطفال، بدون ما تقلقي على صحة طفلك من أضرار الألوان الجاهزة:
الطريقة الأولى:
طريقة سهلة ومفيهاش خطوات كتير وبتعتمد إنك تستخدمي الملونات الغذائية، وعشان تنفذيها هتحتاجي المكونات دي:
- 1 كوب ماء.
- 1 كوب نشا ذرة.
- 1 كوب دقيق.
- 1 كوب أي نوع غسول للوش.
- 1/4 ملعقة صغيرة زيت نباتي.
- ملعقة ملون غذائي.
- بولة واسعة للمزج.
هتضيفي المياه ونشا الدرة والدقيق والمياه والغسول وامزجيهم مع بعض، ولو حابة تخففي الخليط ضيفي مياه، ضيفي ألوان الطعام حسب الألوان اللي انتي محتاجاها، خزنيها في علب نضيفة ومقفولة كويس.
فوائد الأوريجامي للأطفال.. ياللا نعمل مركب
الطريقة التانية:
سهلة ومعتمدة على الألوان الطبيعية الموجودة في الخضراوات والفواكه من حوالينا، وهي مفيدة في استغلال بقايا الخضراوات والفواكه اللي بيتم التخلص منها عادة، مش هتتعبي وانتي بتعمليها محتاجة بس شوية حماس وشغف منك ومن الأطفال.
محتاجة بس تحددي منين هتاخدي الألوان المختلفة اللي عايزاها فمثلا:
- الأخضر: السبانخ واللفت والسلق
- الأحمر: الفراولة والبنجر والتوت
- الأزرق والبنفسجي: توت أسود، توت أزرق، كرنب أحمر.
- برتقالي: جزر، قشر برتقال، بصل أصفر.
بالفيديو: أعمال يدوية للمدرسة ممكن تعمليها بنفسك
هتستخرجي اللون ازاي؟
- في إناء صغير اخلطي كبايتين مياه مع كوب من فاكهة أو خضار اللون المطلوب، وخلي المزيج يغلي على نار هادية لمدة ساعة تقريبا.
- طفي النار وسيبي المياه تبرد لغاية ما توصل لدرجة حرارة الغرفة.
- صفي السائل الملون.
- في الحالة دي ممكن تستغلي الصبغة اللي عندك كصبغة للأكل عن طريق إنك تخلطيها مع سكر بودرة مثلا.
إزاي تعملي ألوان مناسبة للاستخدام على الوجه:
- اخلطي كميات متساوية من نشا الدرة وغسول الوش المفضل ليكي مع معلقة من الصبغة اللي طلعت من الخضار والفاكهة وضيفي زيت نباتي عشان يساعد أكتر في الخلط والمزج، لو الخليط تقل منك ممكن تضبطي كميات النشا والغسول.
- كرري العملية مع كل الألوان اللي محتاجاها لحد ما يبقى عندك مجموعة ألوان كاملة للاستخدام، صحية وطبيعية ومعمولة بحب وشغف.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك