محتويات المقال
أغلب الستات بتحب تعمل نيولوك لشكلها وستايلها كل فترة، سواء في اللبس أو في لون الشعر أو لون البشرة، ومع دخول الصيف، ستات كتير قوي بيحبوا بشرتهم تاخد اللون البرونزي، والحقيقة إن اللون ده بيعمل جاذبية خاصة للأنثى، وفي كريمات وزيوت معينة بتنتج خصيصًا علشان تساعد البشرة على اكتساب اللون البرونزي، بس النهارده هنقولك على طريقة سهلة جدًا وطبيعية ومناسبة للميزانية، وأجمل ما فيها إنك هتعمليها في البيت، يلا بينا:
-
المكونات المطلوبة لزيت التان بالجليتر:
- ١/٤ كوباية زيت جوز هند
- ٣ أكياس شاي أخضر
- ٢ ملعقة صغيرة زيت لوز
- زيت عطري مركز بالريحة المفضلة ليكي، زي الفانيليا أو اللافندر أو المسك الأبيض.
- عبوة آيشادو نحاسي جليتر أو بودرة برونز من المكتبات ومحلات الفنون.
- نص كوباية مياه.
- إزازة نضيفة جافة وفاضية
- تقدري تستبدلي كمية الزيوت بكمية زيها من زيت الأطفال.
اتعرفي على فوائد زيت اللوز من هنا، وزيت جوز الهند
-
طريقة عمل زيت التان بالجليتر الملمع للبشرة:
- اعملي الشاي الأخضر بالطريقة العادية، اغلي كمية المياه وحطي فيها أكياس الشاي الأخضر، وسيبيها تبرد تمامًا.
- ضيفي زيت جوز الهند وزيت اللوز وقطرات من الزيت العطري مع بعض في الإزازة واخلطيهم كويس.
- خدي كمية مناسبة ليكي من عبوة الأيشادو، على حسب ما تحبي درجة اللمعة، وحطيها على خليط الزيت.
- ضيفي الشاي الأخضر بعد ما برد، واخلطي تاني كويس جدًا.
- أستخدميه قبل خروجك في الشمي بـ 15 دقيقة.
-
نصايح لاستخدام زيت التان الطبيعي:
- لو بشرتك حساسة أو عندك أي تاريخ مع الأمراض الجلدية، فلازم تستشيري دكتورك الأول.
- ما تكتريش كمية الزيت اللي بتدهنيها قوي، علشان ماتحسيش بعدم الراحة، وعلشان مايكونش شكلك لامع زيادة عن اللزوم.
- تقدري تغيري درجة الأيشادو اللي ضفتيها على الخليط.
- اتأكدي إن الزيوت اللي استخدمتيها من مكان موثوق، وصلاحيتها سارية، علشان ما تئذيش بشرتك، وعلشان ما تطلعش ريحة كريهة مع الاستخدام.
- لو ريحة زيت جوز الهند نفاذة، اتأكدي إن ريحتها هتليق مع ريحز الزيت العطري اللي هتحطيه عليه، اعملي تجربي في خلط كمية صغيرة مع بعض الأول، قبل ما تضيفي الكمية الأصلية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك