الأحتفال بأعياد كريسماس 2020 قربت وجه وقت انك تزيني بيتك وتشتري شجرة الكريسماس بس لو انتي بتحبي تعملي ديكورات بنفسك في الموضوع هنقولك على أفكار ديكورات وزينة للكريسماس تقدري تعمليها في البيت بسهولة وتكلفة بسيطة كمان.
زينة للشجرة من اللمبات القديمة
لو عندك لمبة قديمة ممكن تعملي ممكن ترشيها بالجليتر أو ترسمي عليها شكل رجل التلج بقلم فلوماستر وتحطي فيها خيط دوبارة عشان تقدري تعلقيها على شجرة الكريسماس.
ديكورات وزينة الكريسماس 2020
زينة شجرة الكريسماس من ورق الكاب كيك
ورق الكاب كيك العادي ممكن تحوليه لشجرة كريسماس بسهولة زي الصورة دي، هتتني ورقة الكاب كيك على شكل أفرع الشجرة فوق بعض زي الصورة وهتلزقيهم بمسدس شمع أو لاصق قوي وبعدين تلزقي من وفق ستيكر على شكل نجمة وتحطي خيط دوبارة فيها عشان تعلقيها كزينة على الشجرة أو ممكن تلزقيها على كارت معايدة.
ديكورات وزينة الكريسماس 2020
زينة الكريسماس من عصيان الأيس كريم (Ice Cream Stick)
هتشتري عصيان الأيس كريم من أي محل مستلزمات حلويات وهتدهنيهم بأي لون إنتي تحبيه أو اللون الأخضر وتشكليهم على شكل مثلث وتلزقيهم بمسدس الشمع أو لاصق قوي وتزينيهم بألوان مختلفة وتلزقي عليهم ستيكر على شكل نجمة فوق الشجرة أو تعملي النجمة بنفسك من الفوم جليتر وتعلقيها على الشجرة أو ممكن تلزقيها على الحيطة أو باب الشقة.
ديكورات وزينة الكريسماس 2020
ديكور للسفرة أو الأركان
هتجيبي ألواح خشب وتخلي النجار يلزقهم في بعض زي الصورة أو ممكن تسهلي على نفسك وتشتري خلفية خشب جاهزة بتتباع في المكتبات الكبرى أو مكتبات المخصصة لكلية الفنون الجميلة وتلزقي عليها زينة الكريسماس اللي تحبيها وممكن تعملي نجوم ورجل التلج (Snowman) وشجرة الكريسماس من الفوم جليتر وتلزقيهم على الخلفية دي وتحطيها في ركن فوق الترابيزة أو على بوفيه السفرة.
ديكورات وزينة الكريسماس 2020
“”ممكن تشوفي هنا .. أشهر 10 أفلام بتفكرنا بالكريسماس وليلة رأس السنة “”
شموع زينة
هتجيبي الشمع اللي بيتباع جوه البرطمان الزجاج زي الصورة وبيكون فيه منه أشكال وأحجاك كتير وهترسمي عليه شكل رجل التلج وتلفي قطعة قماش كاروه أو اي شكل تحبيه حوالين الشمعة عشان تدي شكل الكوفية زي الصورة.
ديكورات وزينة الكريسماس 2020
قطاعة البسكوت في زينة الكريسماس
قطاعات البسكوت بيبقى فيها منها أشكال كتير مناسبة للكريسماس، هتجيبي ورق هدايا بأشكال الكريسماس وتحطيه تحت القطاعات وتستخدمي كاتر عشان تقطعي الورق على شكل القطاعة وتلزقيهم زي الصورة كده وتحطي خيط دوبارة عشان تقدري تعلقيه على الشجرة.
ديكورات وزينة الكريسماس 2020
“” لو انتي حامل .. شوفي هنا قطع ملابس أساسية للحامل في شتاء 2020 “”
قوليلنا أي فكرة عجبتك وبنتمني ليكم سنة حلوة وسعيدة.
