محتويات المقال
سيروم الوجه من أكتر الحاجات المفيدة للوجه والبشرة بشكل عام واللي بتساعد على علاج البشرة بشكل سريع، بيغذي البشرة والشعر والمناطق اللي حوالين العين، ممكن يستخدم بشكل يومي لأنه مكون من مواد طبيعية في الغالب.
بس لأن كتير من أنواع السيروم الموجودة في السوق حاليا فيها مواد كيميائية ممكن تضر بشرتك على المدى الطويل فإحنا النهارده هنقترح عليك تعمليه بنفسك.
ممكن؟ أكيد، يلا:
هتحتاجي:
- 2 ملعقة كبيرة جل الصبار
- 2 ملعقة كبيرة ماء ورد
- 2 كبسولة فيتامين E
الطريقة:
- عشان تحضري السيروم ده اخلطي في بولة كبيرة جل الصبار ومياه الورد، لو عندك صبار في البيت اكشطي جل من النبتة باستخدام معلقة، لو في حد بيوفر جل صبار طازج حواليك هيكون ممكن كمان، وممكن تحضري مياه الورد في البيت عن طريق بتلات الورود المفضلة.
- ضيفي كبسولتين من فيتامين E للبولة واخلطيها كويس، بالطريقة دي سيروم وشك هيكون جاهز.
- هاتي زجاجة تقطير مخصصة عشان تقدري تخزني السيروم بطريقة صحيحة.
هتستخدميه ازاي:
ممكن تستخدميه مرتين في اليوم، بعدما تغسلي وشك كويس، دلكيه بالراحة على وشك، لو مش حابة إنه يفضل على بشرتك وملمسه بيدايقك اغسليه بميه فاترة عادية.
فوائد سيروم الهايالورونيك أسيد للبشرة وأفضل الأنواع بالأسعار
فوايد استخدام السيروم:
- المكونات المستخدمة طبيعية، مالهاش آثار جانبية، وده هيخلي السيروم أحسن من أي سيروم موجود في السوق.
- مزيج الصبار وماء الورد وفيتامين E بيدي لمعان جميل لوشك مع نضارة ملفتة.
- سيروم الوش ده مفيد وفعال فعال كمان في تقليل ظهور البقع الداكنة.
- مية الورد اللي مستخدمة في الأصل ليها خصائص مضادة للالتهابات بتحافظ على الجلد من مشاكل منتشرة زي مشاكل حب الشباب.
- الصبار بيشتغل زي مرطب للوجه، بيقلل من الهالات السوداء وانتفاخ العيون وشكلها المرهق.
- الصبار ومية الورد مع بعض بيعملوا تأثير غسول الوش وبينضفوا مسامات الوش.
- مية الورد فيها مضادات أكسدة مش بس بتحافظ على بشرتك صحية ونضرة لكن كمان بتحافظ على توازن حامضية البشرة.
- فيتامين e بيساعد على محاربة تلف الجلد، بيغذي بشرتك وبيحافظ عليها من التلف والتشققات وبيسيب مظهرها صحي وفريش ونضيف.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك