محتويات المقال
هواة التنظيم والترتيب هتلاقيهم بيعشقوا المنظمات بكل أشكالها وأحجامها، سواء منظمات للعب الولاد أو منظمات للمطبخ أو الحمام وغيرهم كتير.. بس لو نفسك تجيبي كتير عشان تنظمي دولاب مثلًا بالكامل للأسف هتدفعي مبلغ كبير وعشان مده في المقال ده هنعرفك على طرق سهل وبسيطة تعملي بيها منظمات منزلية بأدوات سعرها بسيط وممكن تكون كمان متاحة عندك في البيت.
منظمات منزلية مصنوعة من الكارتون المقوى
الكارتون المقوى متاح في كل المكتبات أو ممكن كمان تلاقيه في البيت متوفر عندك وسهل جدًا في الاستخدام ومش هتحتاجي أدوات كتيرة معاه، كل اللي هتحتاجيه:
- كارتون مقوى
- مسدس شمع
- مقص
- ورق ملون
- مسطرة
- سبراي ألوان أو ورق لاصق بأشكال مميزة
الفيديوهات التوضيحية اللي هنعرضها عليكي هتعلمك أكتر إزاي تعملي المنظمات اللي ممكن تستخدميها في تنظيم ديسك ولادك، مكتبة الليفينج، الأكسسوار اللي على التسريحة، الملابس اللي في الدولاب وغيرهم كتير.
منظمات منزلية مصنوعة من العلب الفاضية
مفيش بيت مفيهوش علب كارتون فاضية زي علب الجزم أو علب لعب الأطفال أو علب الأحذية أو الأدوات الكهربائية.. بس أهم حاجة إنها تكون متينة وتستحمل عشان تقدري تشكليها لمنظمات والأدوات اللي هتحتاجيها هي:
- علب فاضية
- مقص
- ورق لاصق ملون
- لاصق قوي زي الغراء أو مسدس الشمع
المنظمات دي ليها إستخدامات كتيرة جدًا زي منظمات لبس الأطفال أو الملابس الداخلية أو حتى برطمانات التوابل في دولاب المطبخ وممكن كمان تستخدميها في تنظيم الريموتات اللي بتبقى موجودة في الليفينج زي ريموت المروحة والتكييف والتليفزيونات.. اتفرجي على الفيديو ده عشان يسهل عليكي أكتر.
منظمات منزلية مصنوعة من القماش وحبل الخيش
لو نفسك تعملي منظمات شكلها شيك ومختلفة وكمان تليق على ألوان الأوضة اللي هتستخدميها فيها، ممكن تجيبي قماش دانتيل أو أي ساتان أو أي نوع قماش بتفضليه ومممكن كمان تستخدمي حبل الخيش اللي بيكون متوفر في المكتبات الكبرى زي مكتبة المعايرجي.
هتحتاجي:
- القماش المفضل ليكي
- حبل الخيش
- مسدس شمع
- مقص
- لاصق قوي
- حبل الخيش
- علبة كارتون فاضية
- ابرة وخيط
ميزة المنظمات دي إنها شكلها لطيف وممكن تستخدميها كديكور مش مجرد منظم جوه الدولاب، يعني ممكن تحطي فيهم فوط في حمام الضيوف أو تنظيم أدوات الطعام على السفرة و الفيديو ده هيسهل عليكي أكتر إزاي تستخدمي الأدوات اللي اتكلمنا عنها في عمل المنظمات
منظمات مصنوعة من زجاجات الميه الفارغة
معظم البيوت بتستهلك زجاجات الميه الضخمة أو تلاجة الميه اللي بيتحط فيها الزجاجة الجالون وبتترمي كتير، ممكن تستفيدي منها وتعملي ليها إعادة تدوير وتستخدميها في منظمات للعب الأطفال او حتى كأشكال ديكور والفيديو ده هيوضحلك أكتر إزاي تعملي ليهم إعادة تدوير.
الأدوات اللي هتحتاجيها:
- زجاجة ميه كبيرة
- كاتر
- لاصق قوي
- قماش
لو عندك أفكار مبتكرة لعمل المنظمات شاركينا بيها في كومنت
التعليق باستخدام حساب فيس بوك