أوقات بيكون الولاد زهقانين من شكل أوضتهم العادي، وانتي نفسك بتكوني زهقانة منه ومحتاجة تجدديه بطريقة تفتح نفسكم. تفتح نفسهم يقعدوا يلعبوا ويذاكروا في أوضتهم، وتفتح نفسك انتي كمان تدخليها معاهم. النهارده هنقول لك طريقة من الطرق البسيطة غير المكلفة اللي ممكن تستخدميها في تغيير شكل أوضة الولاد. الطريقة دي هي البوم بوم أو pom pom وهي كرات الصوف الصغيرة. هنقول لك بالخطوات والصور تعمليها ازاي.
طريقة عمل البوم بوم pom pom
هنا هتلاقي طريقة عمل الكرات نفسها وكل اللي هتحتاجيه فيها هي قطعة كرتون ومقص وخيط صوف بالألوان اللي انتي وأطفالك تحبوها. شوفي الطريقة هنا:
بعد ما عملتي الكور بالألوان اللي بتحبوها، وكور كتير (ممكن تخلي الأطفال كمان يعملوا معاكي كور بشرط ما يمسكوش المقص)، جه وقت تجميع الكور دي في شكل جميل. جمعنا لك أفكار كتير للأشكال اللي ممكن تستخدمي بيها الكور الملونة في ديكور غرف الأطفال.
هنا تقدري تشوفي ديكورات غرف نوم أولادي
أفكار تزيين غرف الأطفال بالكور الملونة pom pom
هتلاقي هنا أفكار بسيطة، وأفكار مش بسيطة قوي ومعقدة لو عندك وقت أكبر. من الأفكار السهلة إنك تقطعي كرتون على شكل حروف اسم ابنك أو بنتك وتلزقي عليه الكور الملونة زي أول صورة، أو ممكن تعملي بالكرتون شكل قلب أو دايرة وتلزقي عليه الكور. أو تنزلي خيوط بالكور على الحيطة ودي بسيطة جدًا وهتدي منظر حلو. أو لو عندك وقت أكبر لمجهود أكبر، اعملي فريمات أشكال مختلفة وضيفي لهم الكور.
بجملة الأعمال اليدوية، اعرفي هنا ازاي تعملي ألوان للرسم على وجه الأطفال بطرق آمنة
لو عندك مناسبة قريب، شوفي أحلى ملابس وفساتين أطفال بنات للأفراح والمناسبات
لو ابنك أو بنتك شعرهم كيرلي، اعرفي من هنا روتين الشعر الكيرلي الأفضل للأطفال
التعليق باستخدام حساب فيس بوك