العنوان غريب مش كده؟ بس هو حقيقي وصحيح، كتير مننا مش بيكون عارف أو فاهم إن الأباء هم كمان زي الأمهات عرضة للإصابة باكتئاب ما بعد الولادة. الحقيقة هم كمان بيكونوا زي الأمهات محتاجين اللي يرعاهم ويشجعهم ويدعمهم نفسيًا. حتى الدراسات أثبتت إن 1 من كل 10 أباء جدد بييجي لهم اكتئاب ما بعد الولادة. علشان كده، هنتكلم معاكي عن تفاصيل أكتر عن اكتئاب ما بعد الولادة عند الرجال ونتعرف عليه مع بعض، وحتى كمان هنشوف ممكن طرق العلاج منه.
الأمراض النفسية بعد الولادة .. 3 أمراض شائعة أشهرهم الاكتئاب
إيه هو اكتئاب ما بعد الولادة عند الرجال؟
هو شعور بيظهر عن الرجال بيخليه يحس بالكآبة والحزن من غير سبب. والشعور ده بيأثر جدًا على شخصية الزوج، وعلى طريقة تعامله مع زوجته والمولود الجديد كمان. حتى إن فيه أباء بيحسوا إنهم مش عايزين المولود ده وحاسين بالانزعاج من ناحيته. وبيظهروا عدم تقبلهم لصوت المولود العالي، ومنهم اللي بيقرر إنه يرفض فكرة الإنجاب تاني، لأن رغبتهم في تحمل المسؤولية بتقل جدًا، مش عايزين ضغوط مادية، ولا قابلين العياط بالليل.
عندي اكتئاب ومش عايزة آخد مضاد اكتئاب
أعراض اكتئاب ما بعد الولادة عند الأزواج
- العصبية الزايدة على الزوجة والطفل.
- شعور الزوج بالاستمتاع في أي أنشطة قل جدًا.
- تغير في الشهية، والوصول أحيانًا لفقدانها، أو العكس الأكل بشكل زايد عن الطبيعي.
- مش عايز يعمل أي حاجة.
- مستوى طاقته قل كتير وبشكل ملحوظ.
- انخفاض ملحوظ في تواصله الاجتماعي مع الزوجة وأصحابه.
- زهد في العلاقة الحميمة. العلاقة الحميمة بعد الولادة .. جوزي مش حابب يقرب مني
- عنده شعور باليأس طول الوقت.
مقاومة اكتئاب ما بعد الولادة بكاميرا الموبايل
كل المشاعر دي لو عدت على الزوج لمدة يوم فهي لا تعتبر اكتئاب ما بعد الولادة، المشاعر دي لازم تستمر لمدة 14 يوم على الأقل علشان نقدر نقول إنه بيعاني من الحالة دي.
أسباب اكتئاب ما بعد الولادة عند الآباء
مافيش سبب معين للإصابة بحالة اكتئاب ما بعد الولادة عند الأزواج، الموضوع بيختلف من شخصية للتانية، لكن في أسباب نقدر ناخدها في الاعتبار زي:
- فيه تاريخ عائلي سابق من الاكتئاب.
- الإحساس بالضغط ووكترة المسؤوليات في الفترة دي، زي مثلًا التفكير في الماديات.
- الشغل الكتير مع قلة النوم.
- إن الطفل يتولد وهو بيعاني من مشاكل صحية.
- ولادة رضيع مش بينام طول الليل وبيعيط كتير.
- ولادة توأم.
10 أعراض تعرفي بيها اكتئاب ما بعد الولادة
علاج اكتئاب ما بعد الولادة عند الرجال
في الفترة دي لازم الزوج يكون عنده وعي ويعرف هو إيه اللي اتغير فيه ويتعامل صح إزاي، لأنه هيلاقي نفسه بيبعد عن المولود وكمان مش عايز يتواصل مع حد. علشان كده في كذا طريقة ممكن تساعد على ارتباط الزوج الأب بالمولود الجديد زي:
- خليه يجرب يحمم الرضيع، التجربة دي بتكون لطيفة جدًا وممتعة، حاولي تاخدي صور ليهم مع بعض علشان تكوني ليهم ذكريات حلوة مع بعض. بالفيديو : استحمام الطفل حديث الولادة
- ساعدي زوجك على التلامس بينه وبين المولود skin to skin. ميزتها إنها بتساعد على إفراز هرمون الأكسيتوسين المعروف بهرمون الحب، وهو ده الهرمون مسئول عن العاطفة وهيخلي الزوج يرتبط بالطفل.
- خليه يجرب يبص لعين الرضيع ويغني له.
- اخرجوا مع بعض واتمشوا في مكان مفتوح زي جنينة مثلًا، ده هيفرق في نفسيتكم.
- حاولوا تستمتعوا مع بعض وتجنبوا عذر إن وجود الطفل عائق لحياتكم الزوجية.
- حاولوا تتناولوا مع بعض أكل صحي وانتظموا في ممارسة الرياضة مع بعض، لأنها تفرق في تحسين الحالة المزاجية.
- لو الاكتئاب اللي أصاب زوجك سببه اضطراب النوم بسبب المولود، فهو بعد عمر الست شهور الوضع هيتحسن جدًا.
هل ممكن الأطفال يجيلهم مرض الاكتئاب زي الكبار؟
لو حسيتي إن الموضوع مش بيتحسن معاه، يبقى هو ده الوقت لطلب مساعدة خارجية من مختص، الإكتئاب اللي بيظهر عند الأزواج في الفترة دي بيكون بسبب الشعور إنهم مضغوطين. وخصوصًا مع تغيير نمط الحياة الجديد المرتبط بوصول المولود الجديد. علشان كده، التواصل ما بينكم والصراحة والتفاهم يعتبروا أول وأهم خطوة في تخطيطكم مع بعض المرحلة دي.
أخطاء في التربية ممكن تخلّي طفلك مريض اكتئاب
التعليق باستخدام حساب فيس بوك