بعد الولادة بنبدأ نحس بحاجات غريبة وأسهل تفسير بييجي في بالنا إنها غالبا بسبب إبرة الظهر “الإبيديورال”، لذلك قررنا نكتب المقال ده بالذات عشان نتكلم عن الآثار الجانبية اللي فعلا بيسببها المخدر النصفي حقنة الظهر “الإبيدورال” واللي من خلالها هتقدري تعرفي اللي انتي حاسة بيه فعلا بسببها ولا بسبب مشاكل تانية محتاجة تراجعي الدكتور بخصوصها؟
إيه هي إبرة الظهر “الإبيديورال” ؟
إبرة الضهر هي عبارة عن حقنة لتخفيف الألم في النصف السفلي من الجسم، وليها مميزات وفوايد كتير في تخفيف ألم الولادة، بشكل عام هي آمنة، لكن في حالات ماينفعش تستخدم فيها حقنة الضهر، كمان في بعض الأوقات ممكن تحصل مضاعافات لكن ده كله نادر، وعموما دي أشهر استخدامات حقنة الضهر الإبيدورال:
- حالات الولادة الطبيعية (إبيدورال في أغلب الأحيان).
- العملية القيصرية (سباينال أو إبيدورال).
- الكثير من العمليات الجراحية الأخرى في النصف السفلي.
- تخفيف الألم بعد العمليات الجراحية.
أنواع حقنة الظهر “الإبيديورال”
- إبيدورال: تخدير فوق الجافية.
- سباينال: تخدير في سائل الحبل الشوكي.
- دمج الإثنين: ودي طريقة بيستخدمها طبيب التخدير عند الحاجة.
الأعراض الجانبية النادرة لإبرة الظهر “الإبيديورال” بعد الولادة
زي ما قلنا هي آمنة بشكل عام، والمضاعفات المحتملة نادرة جدًا، وفوايد الحقنة أكتر من مخاطرها، لكن برضو ضروري تكوني عارفة إنها من المحتمل تسبب الأعراض الجانبية دي.
- انخفاض ضغط الدم بشكل مفاجئ عشان كده بيتم فحص ضغط الدم بشكل مستمر للمساعدة على ضمان تدفق الدم الكافي للطفل.
- صداع شديد خلال إدخال الإبرة وهو أمر نادر الحدوث، وفي الغالب بيتحسن خلال ساعات.
- صداع يبدأ بعد يوم من إدخال الإبرة بيتحسن مع الوقت لكن بيكون سيء مع الوقوفو بيتحسن خلال أيام.
- من النادر جدًا وخز أحد الأعصاب بالإبرة، وده مش بينتج عنه مشكلة مزمنة في أغلب الأحيان.
- مشاكل في التنفس
اقري كمان: طريقة النوم الصحيحة بعد الولادة القيصرية
الأعراض الجانبية المعتادة لحقنة الضهر “الإبيديورال”
الأعراض اللي هانقولها دلوقتي هي عادية وطبيعية ومفيش منها قلق ولا خوف وعادة بتحصل زي:
- ألم مؤقت
- نزيف مكان إدخال الإبرة
- غثيان
- صعوبة التبول
- حكة في الجلد
- تنميل في الرجلين
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك