محتويات المقال
امرأة برج الأسد جريئة وذكية وشجاعة، عندها استعداد للمواجهة وحب كبير للذات. مفيش حاجة اسمها تواضع، وأول شخص هتمدح صفاتها الكويسة بنفسها. بس الميزة إنها عارفة إن احترام الناس لها لازم ينبع من جهدها وعشان كده، بتعمل كل الجهد المطلوب منها. وأسهل دور بالنسبة لها هو دور القيادة.
تاريخ ميلاد برج الأسد 23 يوليو – 22 أغسطس
توافق الأبراج مع برج الأسد:
الأبراج التي تتوافق مع برج الأسد: الميزان، العقرب، الحمل
الأبراج التي لا تتوافق مع برج الأسد: الحوت، التور، العذراء
توقعات الأبراج 2020 امرأة برج الأسد من ماجي فرح
ماجي فرح بتقول إن امرأة برج الأسد حياتها هتشهد تغير كبير في الجانب العاطفي. وإن هتكون لها فرصة تحسم مواقف وغالبًا هتكون في اتجاه الفراق. جاذبيتهم الكبيرة هتكبر وهتخليهم يتعرفوا على ناس جديدة وهتخلي علاقاتهم العاطفية قوية. ماجي فرح كمان بتقول إن امرأة برج الأسد هتحصل لها تغيرات كبيرة في المجالات الشخصية والمهنية وإن ده هيخليهم يعملوا حاجات أكتر بكتير من السنة اللي فاتت.
امرأة برج الأسد والحب
شغوفة ونارية، وبتحب نفسها، وبتحب اللي يخليها تحب نفسها أكتر. سهل تعجب بحد أو حتى تحبه بس مش هتعبر إلا لو لقت إنه إنسان يتوافق معاها وتقدر تفضل معاه. بتحب العزل وبتحب الرومانسية اللي في أول العلاقات، لكن بيخيب أملها بسهولة لو أي حاجة صغيرة حصلت تعكنن عليها المود ده
امرأة برج الأسد والعمل
شوف واتعلم.. ده شعارها. لو بتحب الشغل أيًا كان هو إيه، مفيش حاجة هتوقفها وبسهولة وبسرعة هتتقن الشغل وتنجح فيه لدرجة إنها تعلم الناس الباقية الشغل بيتعمل إزاي. شغوفة ومثالية وولائها للشغل مش بالمرتب.
امرأة برج الأسد والصحاب
الصحاب دي أكتر كلمة مفضلة عند برج الأسد. وبتحب يكون عندها صحاب كتير. أسهل حد يعمل صداقات، هتوزع رقم تليفونها على زمايلها، هتتواصل معاهم، هتعمل إضافة على فيسبوك، هتعمل فولو على إنستاجرام. هتتصل بكل الناس في كل المناسبات.
امرأة برج الأسد والموضة
ألوانها المفضلة:
- الدهبي: أسد يبقى دهبي، معروفة. هم الشمس، هم أهم وأغلى حاجة.
- الأصفر: شمس برضه، ودهب، وغالي ومهم.
- البنفسجي: لون الملوك المفضل.
أهم مميزات امرأة برج الأسد قائدة بالفطرة، ملهمة
أبرز عيوب امرأة برج الأسد ما بتسمعش لغيرها
كيف تتعامل مع امرأة برج الأسد؟
امرأة برج الأسد ما تحبش اللي يكتفها، هي قائدة وكبيرة وملكة وما ينفعش حد يملي عليها تعمل إيه وما تعملش إيه. مش بس كده، لازم كمان شريكها يدعمها ويبين لها هو قد إيه فخور بيها ومحظوظ إنها بتحبه وإنها اختارت تكون معاه. وأهم حاجة: بلاش حد يخيّرها بينه وبين حاجة، عشان ده موقف ضعف كبير للشريك قدامها وفورًا هتختار الحاجة التانية.
لو انتي برج تاني ممكن تشوفي برجك من هنا
التعليق باستخدام حساب فيس بوك