امرأة برج الثور ذكية وطموحة ومحل ثقة. بتقدر الصدق فوق كل حاجة. فخورة إن علاقاتها دايمًا ما فيهاش دراما. مع إن يبان إنها عنيدة، لكن هي بتقدر تشوف وجهات نظر مختلفة. مش هتغير رأيها في موضوع إلا لو اقتنعت جدًا، وعمرها ما هتغير رأيها عشان ترضي حد.
تاريخ ميلاد برج الثور 20 أبريل – 20 مايو
توافق الأبراج مع برج الثور:
الأبراج التي تتوافق مع برج الثور: السرطان والعذراء
الأبراج التي لا تتوافق مع برج الثور: الأسد والدلو
توقعات الأبراج 2020 امرأة برج الثور من ماجي فرح
ماغي فرح بتقول إن 2020 هتكون هدية لامرأة برج الثور، في النص الأول من السنة، هيكون عندها أخبار ممتازة على الجانب الاقتصادي لأنها هتنجح في شغلها وفي كل حاجة تقرر تعملها. في النص التاني من السنة، هتكون مشغولة جدًا، وهيكون عندها فرصة لتطوير مشاريع شخصية جديدة. وفيه ظروف هتجبرها على تغيير روتينها.
امرأة برج الثور والحب
امرأة برج الثور حسية جدًا ومتصلة بجسمها جدًا. بتحس بالانجذاب الجسدي من أول العلاقة. لكن عشان تبدأ علاقة أصلًا، لازم الطرف التاني يعدي من كل الحواجز اللي امرأة برج الثور هتحطها قدامه. مش سهل امرأة برج الثور تخلي حد يشوف حياتهم الشخصية أبدًا، وفي بداية أي تعارف، بتبان إنها رسمية جدًا وخشنة في التعامل لحد ما يبان معدن الشخص اللي قدامها وتقدر تثق فيه.
امرأة برج الثور والعمل
عندها قدرة كبيرة إنها لما تشوف أي فكرة مشروع، تحلله وتقسمه لخطوات وتنفذه حتى لو ده معناه إنها تسهر كل يوم عشان تخلص. لو امرأة برج الثور مؤمنة جدًا بالمشروع اللي بتشتغل عليه، هتعمل كل اللي تقدره عشان تدافع عنه حتى لو ده معناه تحدي المدير.
امرأة برج الثور والصحاب
ولاء وانتماء يظل للأبد.. حلم؟ لا خالص.. بالنسبة لامرأة برج الثور ده الطبيعي في صداقاتهم. ما بيستخفوش بالصداقة خالص وبيفتكروا أعياد الميلاد وأعياد الجواز، وأي حاجة مهمة بتحصل في حياة أصحابهم، والذكرى بالنسبة لها مش بس كلام، عادةً بتهادي أصحابها في كل ذكرياتهم الحلوة. بتكره الكدب جدًا، حتى ما يسمى بالكدب الأبيض، ولما الناس بتفضل تمدحها كتير، ممكن تشك في حقيقية الكلام.
امرأة برج الثور والموضة
ألوانها المفضلة:
البمبي-البرتقالي: لون الغروب.
الأزرق: هدوء البحر.. أو خلينا نقول هدوء سطح البحر. يعني هادية بس فيه حاجات كتير تحت السطح
الأخضر: لون الطبيعة والحقيقة
أهم مميزات امرأة برج الثور التصميم والعزيمة والولاء وقلة الدراما
أبرز عيوب امرأة برج الثور الكسل (لو ما عجبهاش الشغل)، عدم تنفيذ الأوامر
كيف تتعامل مع امرأة برج الثور؟
امرأة برج الثور ست قوية وشجاعة وشغوفة وعندها عزيمة وإصرار. مش هتثق في حد من أول تعارف، فلازم شريك حياتها أولًا يحترمها ويحترم شغفها وحبها للشغل، وثانيًا يثبت أنه محل ثقة وما يكدبش عليها. ثالثًا لو خانها أو قلل منها، يحضر نفسه للعاصفة.
التعليق باستخدام حساب فيس بوك