محتويات المقال
طبعًا سمعة برج الجوزاء كلنا عارفينها، وعارفين النكت بتاعة “كل سنة وانتي طيبة، كلكم” و”يجعل كلامنا خفيف عليهم” وكل التنمر خفيف الظل ده. بس الحقيقة بقى إن مولودة برج الجوزاء ذكية وشغوفة ودايمًا بتتحرك. أشطر حد في مهارات التواصل، وأسرع حد يحس بطاقة الناس ويتأقلم عليهم.
متى برج الجوزاء؟
تاريخ ميلاد برج الجوزاء 21 مايو – 21 يونيو
توافق الأبراج مع برج الجوزاء
الأبراج التي تتوافق مع برج الجوزاء: الجوزاء، الأسد، الميزان
الأبراج التي لا تتوافق مع برج الجوزاء: العقرب، السرطان
توقعات الأبراج 2021 امرأة برج الجوزاء من ماجي فرح
يبدأ التغير بعد سنين طويل من المشقة والتعب والحظ الوحش. سنة 2021 سنة استثنائية لامرأة الجوزاء اللي هتلاقي فيها فرص واستقرار وحكمة في القرارات. نجاح كبير في العمل وشوق شديد لشريك الحياة وسعي في التواصل والتقارب أكتر معاه.
اعرفي توقعات الأبراج كلها لعام 2021 من ماغي فرح
امرأة برج الجوزاء والحب
نسمع كلنا طبعًا عن الـdates أو المواعدة، دي بقى حاجة ستات برج الجوزاء بتحبها جدًا ومفيش قوي ميعاد بيبقى وحش معاها عشان هي بتعرف – بتفاؤلها – تشوف الكويس في اللي قدامها فبتعرف تشفع له، غير إن بذكائها بتقدر دايمًا تنقذ الموقف، كل ده طبعًا لو هي عاجبها أصلًا الشخص.
امرأة برج الجوزاء والعمل
شعارها في الشغل: “أنا اللي باخلق واقعي”. هايلة في التواصل طبعًا وعشان كده بتقدر توصّل أفكارها بطريقة كويسة وتقدر تقنع اللي قدامها. أحرف حاجة عندها هي الكلام .. فنانة في الكلام، سواء بتتكلمه أو بتكتبه.
امرأة برج الجوزاء والصحاب
نبدأ بالخبر الوحش ولا الكويس؟ خلينا نحلّي بالحلو.. الخبر الوحش إن مولودة برج الجوزاء عادي جدًا تنسى أعياد ميلاد، وأعياد صداقة، وسنويات. لكن الخبر الحلو بقى، إنها مش متعمدة إطلاقًا وإن ده مش شخصي، مش مع حد بعينه يعني، وكمان صداقتها هتعوض عن النسيان ده.
امرأة برج الجوزاء والموضة
ألوانها المفضلة: الأصفر: عشان بيبهجها.
الأزرق: بيبين عمقها (زي البحر)
البمبي: بيعكس روحها الشقية
أهم مميزات امرأة برج الجوزاء سريعة التأقلم ومنطلقة وذكية
أبرز عيوبها بطيئة في اتخاذ القرارات، ما بتفكرش قبل ما تتصرف، وفضولية زيادة
كيف تتعامل مع امرأة برج الجوزاء؟
الست من مواليد برج الجوزاء تحب اللي يسمعها. هي تبان إنها متقلبة جدًا، بس ده مالوش علاقة بحبيبها. لو قالت إنها محتاجة مساحتها، لازم الطرف التاني يبعد ويسيب لها مساحتها، بس كمان لما تقول له إنها محتاجة له، يبقى هي فعلًا محتاجة له وما بتمثلش الضعف (ولا بتتدلع) عشان تقربه. أهم حاجة في التعامل معاها تفهم تقلباتها المزاجية والحفاظ على التواصل معاها دايمًا.
لو امتي برج تاني ممكن تشوفي برجك من هنا.
التعليق باستخدام حساب فيس بوك