محتويات المقال
طبعًا كانت من أسعد لحظات امرأة برج الحوت أغنية عمرو دياب: “والله لاحبك موت، واحب برج الحوت”. امرأة برج الحوت ذكية ومبدعة وبتمشي ورا حدسها جدًا. بتحس بالحاجات جواها قوي وممكن تحكم على أي شخص أو أي موقف إنه كويس أو وحش بإحساسها. لكن ده مش معناه إنها بتهمل الجانب العقلي والمنطقي.
تاريخ ميلاد برج الحوت 19 فبراير – 20 مارس
توافق الأبراج مع برج الحوت:
الأبراج التي تتوافق مع برج الحوت: العذراء والعقرب والحوت
الأبراج التي لا تتوافق مع برج الحوت: الحمل والتور
توقعات الأبراج 2020 امرأة برج الحوت من ماجي فرح
برج الحوت هتبدأ السنة بإنها تفتكر مواقف في الماضي هتؤثر على خططهم في المستقبل. عشان كده، هتحتاج امرأة برج الحوت مساعدة من أسرتها عشان تحقق اللي هي تكون عايزاه وفخورة به واللي هم كمان هيفخروا به. امرأة برج الحوت هتواجه في نوفمبر شوية صعوبة في إنها تتحكم في انفعالاتها بس لو قدروا يعدّوا الفترة دي، فديسمبر هيكون كله سلام وهدوء. في 2020، امرأة برج الحوت هيكون عندها طاقة جديدة وأحداث جديدة ورضا عاطفي كبير.
امرأة برج الحوت والحب
امرأة برج الحوت في الحب هي امرأة مليانة بالشغف والحميمية والتفرد. وفي العلاقات، بتقدر تخلي شريك حياتها يحس بكل مشاعره الكويسة والوحشة وبتساعده إنه يكون شخص أحسن وأصدق. وحتى لو العلاقة ما كملتش لأي سبب، فالدرس ده هيكمل مع الشخص.
امرأة برج الحوت والعمل
فكرة الشغل في مكتب بعدد ساعات محدد ممكن يخلي امرأة برج الحوت تشيب من غير ما تبدأ الشغل. هي بتحب أكتر الكارير اللي فيه جانب فني أكتر. لما بتحب الشغل وبتؤمن لأهميته، بيكون عندها تفاني فيه. مش هتلاقي امرأة برج الحوت في المكتب بعد ساعات العمل بدقيقة.
امرأة برج الحوت والصحاب
امرأة برج الحوت صديقة رائعة لحد ما الناس تبدأ تسأل نفسها هم يعرفوا قد إيه عن حياتها فعلًا. هي مستمعة هايلة، وعندها طول بال واستعداد كبير تسمع أصحابها وقت طويل، بس مش سهل أبدًا تعرّف الناس عنها، مش هتبين لأصحابها هي مين أصلًا قبل ما تثق فيهم ثقة كبيرة جدًا. عشان كده، فيه ناس كتير لما بتقابل امرأة برج الحوت، بيبقى انطباعهم الأولي عنها إنها كتومة قوي أو مش ودودة.
امرأة برج الحوت والموضة
امرأة برج الحوت (لأنها حوت) بتميل للألوان اللي بتكون موجودة في البحر. ألوان الأزرقات كلها والأخضرات المزرقة والفضي والرمادي كلها ألوان بتليق على امرأة برج الحوت. لكن الألوان اللي بتُنصح امرأة برج الحوت بالبعد عنها هي الأحمر والذهبي والبرتقالي.
أهم مميزات امرأة برج الحوت الحدس القوي والإبداع
أبرز عيوب امرأة برج الحوت السرحان الكتير وسرعة الإحباط
كيف تتعامل مع امرأة برج الحوت
أهم حاجة بتلفت نظر امرأة برج الحوت هي إن الشخص اللي قدامها يكون قارئ لأنها بتقرا كتير. وحبذا لو كان الشخص ميال إنه ما يكونش مهندم قوي وبيقضي وقت طويل قدام المرايا وبيهتم بشكله وبيهتم بترتيب أوضته ودولابه، كل ما يبقى على طبيعته ومهرجل، كل ما يعجب الحوتية. وأخيرًا امرأة برج الحوت تحب الشخص اللي قدامها يكون عنده رأي ووجهة نظر وبتحب النقاشات قوي.
التعليق باستخدام حساب فيس بوك