محتويات المقال
امرأة برج السرطان عاطفية وحدسية وممكن نقول إنها مخاوية (بتعرف حاجات لوحدها). عميقة زي البحر. مع إن شكلها في الأول يخوف شوية وتحس إنها متعالية شوية، إلا إنها لما بتقرر تقرب من حد، بيكون صديقها للأبد.
متى برج السرطان
تاريخ ميلاد برج السرطان 21 يونيو – 22 يوليو
توافق الأبراج مع برج السرطان
الأبراج التي تتوافق مع برج السرطان: التور، الحوت، العقرب
الأبراج التي لا تتوافق مع برج السرطان: الجوزاء، القوس، الميزان
توقعات الأبراج 2021 امرأة برج السرطان من ماجي فرح
ماغي فرح بتقول إنها سنة فيها شوية تناقضات ما بين الحظ الكويس جدًا وما بين الحظ السيء جدًا. هتلاقي مفاجآت حلوة جدًا على الصعيد المالي والمهني والعائلي: أرباح مالية في أول السنة بتتراجع في الصيف وترجع تاني مع دخول الخريف. هتمر بفترة فتور عاطفي، وهتنهي علاقة فاشلة بعد ما تقابل حب كبير هيوصل للزواج.
لو عايزة تقري كل توقعات الأبراج 2021، ادخلي هنا.
امرأة برج السرطان والحب
حسية وشغوفة وبتنسجم بسرعة وسهولة، طول ما فيه ثقة جواها ناحية الطرف الآخر، هتلاقيها بتذلل أي حدود بينهم وبتسمح له بالدخول لحياتها. للأسف ساعات بتحبط إن حبيبها ما بيفهمش لوحده كل حاجة بتحصل في دماغها وفي مشاعرها وبتفضل تقول له مفيش كل ما يسألها مالك، وكلنا عارفين إن طبعًا فيه!
امرأة برج السرطان والعمل
سر نجاح مولودة برج السرطان في شغلها هو اهتمامها. اهتمامها بكل حاجة وأي حاجة وكل التفاصيل. وعندها ميزة سرية وحيوية جدًا وهو الحدس، زي أرتميس إلهة الصيد عند الإغريق، بتعرف كل حاجة في الشغل قبل ما تحصل، بتعرف تقرا الناس وبتعرف جدًا تشتغل مع الستات والأمهات، بتقدر ترشد زمايلها ومرؤوسيها وتنعش مهنتهم.
امرأة برج السرطان والصحاب
غالبًا مش بتاخد على الناس من أول مرة .. ولا التانية .. بصي ولا الخامسة! بس أول ما بتاخد على حد، بتبقى صديقة العمر. وبتكون دايمًا في ضهر أصحابها ومش بتحكم عليهم.
امرأة برج السرطان والموضة
ألوانها المفضلة:
- اللبني: لون الميا والسرطان برج مائي، فاللون ده بيفكرها تاخد بالها من نفسها وحتى من الناس اللي حواليها.
- الرمادي: بيطلع قدرتها على إنها تشوف أكتر من رواية لكل قصة. زي أوجه القمر.
- البرتقاني: مع إنها خجولة شوية، إلا إنها شغوفة، ولون الشمس البرتقاني بيطلع الجانب الجرئ اللي فيها.
أهم مميزاتها المشاعر. وإنها بتقدر تفهم صلب الموضوع مهما كان الظاهر زحمة ودوشة وكدب.
أبرز عيوبها الكتمان حتى في الأوقات اللي لازم تتكلم فيها بصراحة عن مشاعرها. مع توقع إن اللي قدامها يفهم لوحده المشكلة ويحلها.
كيف تتعامل مع امرأة برج السرطان؟
ستات برج السرطان شغوفة وبتحب الحب. أهم حاجة إن اللي بيحبها يسيبها تحب، يسيبها تعبر عن كل فيض الحب اللي جواها ده بأريحية ويحسسها إن فاهمها وحاسس بيها ومش عايز يصلحها.
لو انتي برج تاني ممكن تشوفي برجك من هنا.
التعليق باستخدام حساب فيس بوك