الأبراج: صفات امرأة برج العذراء بالتفصيل

امرأة برج العذراء ذكية وطيبة وبتنجز مهامها كلها من غير شكوى. صديقة رائعة ودايمًا بتكون جنب أصحابها لو احتاجوا مساعدة أو نصيحة. عملية وده بيساعدها جدًا إنها تشوف الصورة الكاملة من كل حاجة، وتخطط حياتها وتخطط أجازاتها وتعرف هتعمل إيه في يومها من قبل ما يبدأ.

متى برج العذراء؟

تاريخ ميلاد برج العذراء 23 أغسطس – 22 سبتمبر

توافق الأبراج مع برج العذراء

الأبراج التي تتوافق مع برج العذراء: السرطان، التور، العقرب.
الأبراج التي لا تتوافق مع برج العذراء: الجوزاء، القوس

توقعات الأبراج 2021 من ماجي فرح

مولودة برج العذراء هتلاقي دعم من الفلك في النصف الأول من السنة، هتحصل على ترقية عالية جدًا في شغلها. السنة دي هتكون سنة مربحة على المستوى المادي. لو سنجل، هتقابلي الحب في التلت الثاني من السنة وتعيشي قصة حب قوية بتوصل للجواز. ولو متجوزة، هتلاقي الاستقرار والارتباط الأقوى بشريك الحياة.

لو عايزة تعرفي توقعات الأبراج 2021 كلها، شوفي المقال ده. 

امرأة برج العذراء والحب

بتحب بكل قلبها، وبتدور على الحب اللي تقع فيه بقلبها وعقلها وروحها وكيانها كله. عشان كده مش سهل إنها تقع في الحب أو تدخل في علاقة، لإن النوع ده من الحب نادر.

امرأة برج العذراء والعمل

“الكمال في الإيد”، ممكن حد يصدق في ده؟ بس برج العذراء هي اللي بتصدق فيه. لإنها ذكية جدًا ومثالية جدًا جدًا، فهي مؤمنة فعلًا إن الكمال في الإيد، وسهل، وممكن يتحقق. بتحب تشتغل جدًا وبتحب ترمي نفسها في الشغل. كمديرة، هي قائدة هادية وبتحفز فريقها من غير محاضرات ووعظ.

امرأة برج العذراء والصحاب

مع إنها طيبة جدًا وودودة، إلا إن فيه حدود حواليها لازم أي شخص يعديها عشان يكون صديق/ة لها. الحدود دي هي طريقتها في إنها تحمي نفسها وتحمي دايرة أصحابها الموجودين بالفعل. لكن بمجرد ما الشخص يدخل الحصن المنيع ده، هيكونوا أصحاب للأبد.

امرأة برج العذراء والموضة

ألوانها المفضلة:

• أبيض: نقاء وطاقة ووضوح وشغف بالحقيقة.
• أخضر وبني: عشان برج أرضي.
• أحمر: لون المريخ، الكوكب المتحكم، والشغف الكامن تحت السطح.

أهم مميزاتها الانسجام والطيبة وحب الحقيقة والشغف

أبرز عيوبها المثالية المفرطة وعدم الواقعية

كيف تتعامل مع امرأة برج العذراء؟

لازم اللي يتعامل معاها يكون صادق، ويشجعها ويحفزها ويؤمن بها وبأحلامها. هتكون عايزة علاقة تكون بتتطور فيها وبتتعلم وبتكبر. خروجاتها المفضلة هتكون في المتحف، والمكتبة. هتحب تقرا وتناقش الكتب اللي بتقراها.

لو انتي برج تاني ممكن تشوفي برجك من هنا 

مصادر ساعدتنا في كتابة المقال
Horoscope
ماجي فرح

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.