الأبراج: صفات امرأة برج العقرب بالتفصيل

امرأة برج العقرب هي ملكة متوجة على عرش كل الأبراج. ساحرة وغامضة وعمرها ما بتخاف. فيه سمعة حوالين البرج دا إنهم شريرين بس دا عشان كوكب بلوتو اللي بيحكم البرج هو رمز الجنس والموت، حاجتين مش كل الناس بتحبها. لكن من أبرز صفات امرأة برج العقرب المشهورة بيها إنها شخصية ساحرة وجذابة وفيها غموض وإثارة عالية.

متى برج العقرب؟

تاريخ ميلاد برج العقرب: 23 أكتوبر – 22 نوفمبر

توافق الأبراج مع برج العقرب:

الأبراج التي تتوافق مع برج العقرب: السرطان، الحمل، الثور
الأبراج التي لا تتوافق مع برج العقرب: الجوزاء، الأسد، الدلو

توقعات الأبراج 2021 امرأة برج العقرب من ماجي فرح

سنة متقلبة بين الإيجابيات والسلبيات. أبواب كتير هتتفتح لها على مستوى الأصدقاء والعمل والعلاقات الشخصية. لازم تاخد بالها في الفترة من أكتوبر علشان هتكون فترة مفترق طرق كبيرة ليها بس الفلك في العموم معاها.

لو عايزة تعرفي توقعات الأبراج لسنة 2021، ادخلي هنا.

 امرأة برج العقرب والحب

امرأة برج العقرب معروفة بانخراطها التام في الحب. لما بتحب، بتحب بكل كيانها ومشاعرها وطاقتها. وعشان كدا مش سهل
تحب وترتبط، عشان لما بترتبط، بيبقى شريك العمر كله. كمان الجنس مهم جدًا في العلاقة الرومانسية لامرأة برج العقرب.
كمان امرأة برج العقرب معروفة بغيرتها، ولو شكت في شريكها مرة، صعب تثق فيه تاني.

امرأة برج العقرب والعمل

امرأة برج العقرب بتشتغل بجدية شديدة، وكمان بتعرف تركز في أهدافها جدًا، دايمًا عينيها على الأهداف الكبيرة وبتشتغل لحد ما تحققها. عادةّ بتبقى قاعدة لوحدها في الشغل مش اجتماعية وفي وسط الزملاء.

امرأة العقرب والصحاب

امرأة العقرب صريحة جدًا واللي حواليها بيعرفوا موقفها منهم بسهولة لأنها صريحة وما بتجاملش ولا بتنافق. عشان كدا لو امرأة برج العقرب من أحسن الأصدقاء وغالبًا بتفضل صاحبة أصحابها طول العمر.

الأبراج: صفات امرأة برج الميزان بالتفصيل

امرأة العقرب والموضة

من صفات امرأة برج العقرب ايضا إنها جريئة جدًا في اختياراتها للبس. بتحب الألوان الغامقة زي البنفسجي والأسود والأرجواني. لأن ثقتها في نفسها عالية جدًا، فهي بتحلي أي لبس تلبسه. لازم كل طقم من لبسها يكون فيه حاجة سودا.

أهم مميزات امرأة برج العقرب

شغوفة جدًا، بتشيل المسؤولية، بتاخد بالها من شريكها جدًا، سهل عليهم جدًا اتخاذ القرار، لو دخلت علاقة بتبقى مخلصة فيها 100% واستحالة تخون.

أبرز عيوب امرأة برج العقرب

غضبها وحش، ما بتقبلش مساعدة، ما تقبلش حد يشاركها في حاجة، جهاز كشف كدب بشري، شكاكة، صعب تخليها تتكلم، لو سابت حد فدا باب واتقفل للأبد.

كيف تتعامل مع امرأة برج العقرب

• امرأة برج العقرب بتحب اللي يعبر لها عن حبه ورغبته.
• بتحب اللي يقدرها وما يتجاهلهاش.
• بتحب تحس إنها أهم واحدة في الدنيا.
• ما بتحبش حد ينتقد ذوقها.
• بتحب اللي يشاركها الحاجات اللي بتحبها.
• بتحب اللي يسألها عن نفسها وأحلامها ومخاوفها بس لما تاخد عليه الأول.
• بتحب الهدايا حتى لو بسيطة وصغيرة.
• بتحب اللي يفهم هزارها، بس كمان يفهم الجد وما يهزرش فيه.
• بتكره الخيانة جدًا.

مصادر
Horoscope
Astrology
Your Tango
ماجي فرح

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.