محتويات المقال
معروف عن امرأة برج الميزان إنها فتاة الأحلام المطرقعة المغامرة اللعبية. بتحب الرومانسية جدًا من جواها رغم إنه ممكن ما يظهرش عليها. بتحب توازن بين الطرقعة والمغامرة واللعب وبين إنها تفضل حقيقية وتفضل نفسها. ودي أكتر حاجة من صفات امرأة برج الميزان: الموازنة والتوازن والوزن بين الأمور.
تاريخ ميلاد برج الميزان: من 23 سبتمبر وحتى 22 أكتوبر
توافق الأبراج مع برج الميزان:
الأبراج التي تتوافق مع برج الميزان: الجوزاء، الأسد، القوس
الأبراج التي لا تتوافق مع برج الميزان: السرطان والجدي
توقعات امرأة برج الميزان 2019 من ماغي فرح:
خبيرة الأبراج ماغي فرح بتقول إن سنة 2019 هي سنة الفن والإبداع لمواليد برج الميزان. الفلوس هتزيد من شهر فبراير لشهر أبريل ودي هتكون نتيجة لشراكة عمل بينك وبين حد من أصحابك أو زمايلك في الشغل. هتقضي فترة تدريب أو تدريس بعض التلاميذ. شراكتك مع حد من مواليد برج الجوزاء خاصة ستات الجوزاء هتكون شراكة مربحة. أواخر شهر سبتمبر، هتكون حياتك في تطور مستمر وهتيجي لك فرص كتير للسفر وتغيير الجو أو لزيادة مواردك المالية.
امراة برج الميزان والحب:
من صفات امراة برج الميزان، انها رومانسية جدا دايمًا في حالة حب، إما مع شريك حياتها أو في أكتر من قصة. ولأنها دايمًا في حالة حب متجددة، بتكون زوجة استثنائية في الحب. امرأة برج الميزان ما بتحبش الزوج الغيور قوي، يا إما تبقى الغيرة معقولة يا إما بيحسوا إنهم مقيدين ومحبوسين.
امراة برج الميزان والعمل:
امرأة برج الميزان بتاخد وقت عشان تلاقي أحسن Career لها. ممكن تقضي عشريناتها كلها بتمشي من شغل لشغل وبتعمل حاجات فريلانس وبتبدأ مشاريع صغيرة، وممكن كلهم ما يكملوش. بالرغم من كدا، هي دايمًا بتشتغل بانتظام وما بيضيعوش وقت. مش مهم بالنسبة لها إنها تعرف “هتطلع إيه لما تكبر” لأنها عارفة إن كل الحاجات اللي بتعملها حتى لو ما كملتش بتخلق الصورة الكبيرة.
شوفي هنا مواصفات امرأة برج العذراء
امرأة برج الميزان والصحاب:
لأن امرأة الميزان لها ابتسامة ساحرة وخفة دم وذكاء وقدرة إنها تحسس كل حد بمدى أهميته، فأكتر ست عندها ناس بتعتبرها الbest friend هي امرأة برج الميزان. بيتعرفوا على الناس بسرعة وبيحبوا يعرفوا الناس كويس، وبيتواصلوا بأصحابهم كويس جدًا.
امرأة برج الميزان والموضة:
امرأة الميزان عمرها ما تقع في مشكلة لها علاقة بالموضة. امرأة برج الميزان لها عين ممتازة وذوق سوبر. بتعرف تلبس إيه في أي مناسبة وذوقها دايمًا ملفت وتحفة.
أهم مميزات امرأة برج الميزان:
دبلوماسية وموضوعية وساحرة وجذابة ورومانسية ومثالية واجتماعية وطيبة ومتفائلة وذكية وتلقائية ومرحة.
أبرز عيوب امرأة برج الميزان:
مش سهل تقرر، ساذجة شوية، ساعات بيهتموا بالشكل أكتر من المضمون، بيتصرفوا ساعات بطريقة تبان أنانية، بيعاملوك بالمثل.
إزاي تتعامل مع امرأة الميزان؟
- دايمًا قرب منها بمشاعر. امرأة برج الميزان سهل جدًا عليها تلقط مشاعرك وتبادلك بيها. وسهل تحس لو انت زعلان وهتزعل جدًا لزعلك. اعرف دايمًا إنها هتفرح أو تزعل بطاقتك انت.
- اسمعها كويس. امرأة برج الميزان سهل عليها تداري مشاعرها لو زعلانة عشان ما تضايقكش، وعشان بتحب كل اللي حواليها يفضلوا سعدا. دورك تعرف إمتى بتكون زعلانة وتسمع لها.
- ما تبدأش معاها خناقة من الهوا. امرأة برج الميزان بتكره الخناق. فأسهل عليها تعمل أي حاجة عن إنها تتخانق وتحب إن كل اللي في حياتها يحترموها ويقدروها.
- اوعى تقول لها إنها أوفر أو متطلبة. هي بتبقى عايزاك تفهمها كويس، وعشان كدا ممكن تفضل تكلمك كتير وتحاول تقرب منك دايمًا.
- هي عايزاك توريها إنك بتحبها، مش تقول لها إنك بتحبها. كن رجل أفعال مش رجل أقوال. هي محتاجة تحس وتشوف إنك بتحبها مش مجرد تسمع منك الكلام دا.
المصادر
Horoscope
https://www.horoscope.com/zodiac-signs/libra
Astrology
https://www.astrology.com/horoscope/daily/libra.html
Your Tango
https://www.yourtango.com/2016284591/seven-ways-love-libra-woman-as-told-by-one
ماجي فرح
https://www.abrajmagifarah.com/tawa9o3at-2019-borj-Almizan-7.html
التعليق باستخدام حساب فيس بوك