محتويات المقال
برج الأسد، زي ما هو باين من اسمه، برج الرجالة اللي بيحبوا يتعاملوا على إنهم ملوك. الرجل المولود في الفترة ما بين 23 يوليو و22 أغسطس هو رجل برج الأسد، راجل مش ممكن تخطأه العين، طلته لها هيبة بتجذب الناس له جدًا، وبيخليه من غير أي مجهود محط اهتمام وجذب قوية جدًا. بمجرد ما هيحصل توافق بينك وبين رجل برج الأسد، تأكدى إنك هتعيشي تجربة مليانة مشاعر دافية وفي نفس الوقت تعامل مع شخصية قوية وقيادية. هتحتاجي تستخدمي كل مرحك وذكاءك وقدرتك الإبداعية في العلاقة معاه علشان تفضلي محط انتباه وانجذاب لرجل الأسد.
توافق الأبراج مع برج الأسد:
برج الأسد بيتوافق جدًا مع الأبراج النارية والهوائية، بس أعلى درجات توافق بتكون بين برج الحمل والقوس والدلو.
أما الأبراج اللي بيكون خلق علاقة جميلة بينها وبين الأسد صعبة، فبتكون الأبراج المائية والترابية، زي الحوت والجوزاء والجدي.
توقعات الأبراج 2021 رجل برج الأسد من ماجي فرح
سنة مليانة بالفرحة، هيكون فيها تغيرات جذرية في مجال العمل. فترة الحظ عندها هتبدأ مع النص التاني من السنة على الصعيد المالي والمهني. الفلك بيحذرك من آخر السنة علشان فيه ناس بتترصد توقعك في مشاكل. هتظهر خلافات مع شريكة الحياة وهيكون فيه قرارات متسرعة هيكون لها تأثير على العلاقة.
رجل برج الأسد والحب
رجل برج الأسد دايمًا بيدور على شريكة الحياة اللي هتشاركه شغفه وحماسه. بمجرد ما بيحب، بيصبح إنسان وفي جدًا ومحب وبيحاول دايمًا يحمي شريكة حياته. رجل الأسد بيحتاج دايمًا شريكة حياة مليانة حب وحنان وعطاء زيه بالضبط. رجل رومانسي، حنون وواثق في نفسه جذاب. وده اللي بيخليه ساحر وغير قابل للمقاومة، معبر ممتاز عن مشاعره.
زي ما قلت لك في الأول، انتي بتتعاملي مع رجل بيحس في نفسه إنه ملك. وبالتالي أول وأهم مفتاح تستخدميه علشان تحافظي على اهتمامه وشغفه بيكي إنك تعززي إحساسه بنفسه.
رجل برج الأسد والعمل
رجل برج الأسد قائد في عمله، بيتمتع بثقة عالية بالنفس. ده غير إنه واضح وصريح وعنده القدرة على ترتيب مهام عمله بشكل ممتاز. بجانب إنه أحسن واحد في تحميس الأشخاص اللي حواليه، رجل الأسد يقدر على عمل أي شيء حطه في دماغه. يستمتع بكونه محور الاهتمام وقد يبالغ في إظهار معاناته من ضغوط العمل لكونه شخصية درامية، بيحسسك إنه دراما كوين في الحتة دي. لكن بوجه عام شخصيته المتفتحة بتخليه قادر على التعامل مع زملائه في العمل بحرفية.
رجل برج الأسد والصحاب
رجل الأسد صديق وفي جدًا، ومش ممكن يتكلم عن أصدقائه من ورا ضهرهم وحش أبدًا. بالعكس، هيفضل يدافع عنهم ويوقف في صفهم دايمًا. هتلاقيه بيحب جدًا يجيب هدايا لأصحابه ومساعدتهم ودعمهم ماديًا ومعنويًا لو أي حد طلب منه، مستحيل يجاملهم علشان يرضيهم. بالعكس، هيلجأ للصراحة المطلقة حتى لو كانت هتزعلهم شوية. وبيميل لمصاحبة الأشخاص الواضحين والمرحين. أصحاب رجل برج الأسد لازم يكون عندهم صبر علشان يعملوا صداقة قويّة وطويلة الأمد معاه، لأنه أحيانًا بيكون عصبي وانفعالي. وعليهم كسب ثقته وعدم التفريط فيها أبدًا، لأنه نادرًا ما بيسامح على خيانته أو التقليل منه.
رجل برج الأسد والموضة
رجل برج الأسد رجل بيحب الدلع، تلاقيه مهووس بالعربيات الغالية والأجهزة الالكترونية الحديثة. بيحب يعيش حياة مرفهة، مش بيهتم إنه يحوّش فلوس لوقت الحاجة. بيحب يستمتع في اللحظة بالفلوس اللي معاه، فكرة الإدخار دي مش عنده. ممكن يقلق أو يفكر في موضوع الفلوس أحيانًا لكن مش كتير. لو حس إن الفلوس بقت قليلة معاه بس بعد كده، عادي بينسى ويكمل أسلوب حياته المرفه.
كيف تتعاملين مع رجل برج الأسد؟
علشان التعامل يبقى سهل مع رجل برج الأسد، لازم الطرف الآخر يتحلى بشوية صفات واللي غالبًا تتناسب مع شخصية مواليد هذا البرج، ومنها:
- لازم الشخص ده يكون متفائل ويفضل إيجابي قدر الإمكان ويحاول نشر الطاقة دي لكل اللي حواليه.
- البعد تمامًا عن الخديعة أو التلاعب في التعامل مع رجل الأسد؛ لأنه يقدر يكشفه بكل سهولة.
- التعامل مع رجل الأسد بكلّ إخلاص وعاطفة وثقة، فهو مش بيحب الجمال السطحي. بالعكس هو عميق دايمًا في نظرته.
- لازم تكوني شخصية مستقلة بذاتك علشان تقدري تجذبي رجل الأسد، لأنه بيحب يثق في شريكة حياته ويحس إنها موجودة وتقدر تدعمه في أي موقف.
- رجل الأسد بيحب تسليط الأضواء عليه، بيحب يكون مركز الاهتمام من الآخرين، بيحس بالثقة والفخر لما بيتم ذكر إيجابياته قدام الغير.
- رجل الأسد شخص حماسي ونشيط وبيحب يقضي أجازاته في أنشطة ومغامرات أكتر من أنه يقعد في البيت يتفرج على التلفزيون، ده هيتطلب منك مشاركته باستمرار في الأنشطة دي.
- لازم تتعلمي تحترمي خصوصياته وحدوده الشخصية.
- على قد ما هو قيادي ويقدر ياخد الخطوات المطلوبة إلا إنه في نفس الوقت بيحب المشاركة والتواصل والمناقشة.
دي نظرة عامة عن رجل برج الأسد. قولي لنا لو لاقيتي الصفات دي في شريك حياتك الأسدي.
هنا تقدري تعرفي مواصفات امرأة برج الأسد.
المصادر
Horoscope
Astrostyle
MSN
التعليق باستخدام حساب فيس بوك