الأبراج: مواصفات رجل برج العقرب بالتفصيل

يتمتع رجل برج العقرب بالشغف والحيوية والنشاط، الكوكب المتحكم فيه هو كوكب المريخ نفس الكوكب المتحكم في برج الحمل. وفي حين إن طاقة برج الحمل موجهة بشكل قليل للطاقة الجسدية، هنلاقي إن برج العقرب بيحرص على النشاط أكثر وبيشتغل بشكل أكبر. وبرج العقرب بيستغل عواطف الآخرين، وبعد كده بيوجهها للجهة اللي عايزها. وفي الحب، فهو برج يحب التملك وبيعشق الحب وبيدي كتير للشريك لو حبه بصدق.

توافق الأبراج مع برج العقرب

أعلى توافق بين برج العقرب بيجي مع برج السرطان وبرج الحوت وبرج العقرب نفسه. وبينجذب إلى برج الحمل وبرج العذراء وبرج الجدي.

ولا ينصح أبدًا بالعلاقة مع برج الثور وبرج الميزان وبرج الجوزاء وبرج الأسد.

توقعات الأبراج 2021 رجل برج العقرب من ماجي فرح

سنة متقلبة بين الإيجابيات والسلبيات. أبواب كتير هتتفتح له على مستوى الأصدقاء والعمل والعلاقات الشخصية. لازم ياخد باله في الفترة من أكتوبر علشان هتكون فترة مفترق طرق كبيرة ليها بس الفلك في العموم في صفه.

رجل برج العقرب والحب

رجل برج العقرب لا يعتبر من الرجال اللي بيجروا وراء المرأة إذا كانت مش بتحبه ولا بتديه الاهتمام اللي بيقدمه بالظبط. بالعكس بيعامل رجل العقرب المرأة زي ما هي بتعامله بالظبط، ومش بيقبل على نفسه إنه يتعامل بدونية أو إن حد يقلل من شأنه حتى لو كان بيحبها. علشان كده، هتلاقيه بيتصرف بالظبط زي ما هتتصرف معاه. فلو كنتي بتهتمي بيه وتديه الحب، هتلاقيه بيهتم بيكي ويقدم لك حبه في المقابل. أما إذا كنتي غير مهتمة، هتلاقيه غير مهتم هو كمان. هو هيكون زي المراية ليكي، بيعكس تصرفاتك تمامًا.

رجل برج العقرب والعمل

بيسعى رجل العقرب لتحقيق النجاح في كل شيء بيقوم بيه، وبيساعده في كده ما يتميز بيه من عزيمة وإصرار. بيلتزم بأخلاقيات العمل، وده اللي بيخليه ينال الاحترام والحب من زمايله في العمل.

رجل برج العقرب والصحاب

صداقات برج العقرب معقدة جدًا، لإنه برج ما بيثقش في اللي حواليه، ولا بيقول عن أسراره بسهولة، وفي نفس الوقت، بيحب يعرف كل حاجة عن أصحابه. وبالتالي فأصدقاؤه شايفين إن ده تناقض في شخصيته.

برج العقرب وعلى الرغم من إنه مزاجي (متقلب المزاج)، لكن بيعتبر صديق مخلص جدًا. صحيح إن دائرة صداقاته ضيقة، لكن لما بيلاقي صديق موثوق، هتلاقيه بيكون صديق مضحي ومساعد لصديقه. ومش يكذب على صديقه ولا يوعده بحاجات مش هيقدر يعملها.

من سلبيات العقرب في الصداقة إنه ما بيقدرش يسامح في حالة إساءة إليه حتى لو كان من أصدقائه. ويمكن يكرهه ويقطع علاقته بيه للأبد. وزي ما هو ما بينساش الإساءة، ما بينساش الصديق اللي وقف جانبه وقت أزماته.

رجل برج العقرب والموضة

بيمتلك رجل برج العقرب شخصية طموحة وناجحة هتلاقيه دايمًا بيعمل على تحقيق أهدافه مهما كانت الطرق والوسائل. يتميز بالصدق والوفاء والرومانسية ويتمتع الرجل العقرب بشخصية جذابة وساحرة فهو يستطيع التأثير في الأخرين بأسلوبه الراقي وكلامه الدبلوماسي.

وبيمثل المظهر أحد أهم الأمور التي يهتم بها رجل برج العقرب، فهو بيحرص دايمًا على الظهور في أجمل طلة. ويفضل الرجل العقرب الملابس السبور في الأنشطة اليومية، ويميل إلى البدل الكلاسيكية في المناسبات والأعمال الرسمية.

كيف تتعاملين مع رجل برج العقرب؟

علشان تقدري تتعاملي مع رجل برج العقرب .. فيه كام نقطة لازم تعرفيهم:

• تفهمي احتياجه للتمرد على المعايير المُجتمعية اللي مش مناسبة له في بعض الأحيان.
• من الأفضل عدم ارتكاب الأخطاء معاه، عشان غالبًا بيكون عنده مشاعر عميقة وحساس بشكل لا يُصدّق.
• عند الدخول بيته، من الأفضل الجلوس في المكان اللي بيحدده هو. فهو يميل للاحتفاظ بخصوصيته لحد ما يثق بالأشخاص قبل السماح ليهم بالتجول في بيته.
• ممكن يكون مش صريح بخصوص الأمور اللي عايز يخبيها في بعض الأحيان، وده بسبب اعتقاده بإن الناس مش بيهتموا كفاية لمعرفة تفاصيل الأمور. وعلشان كده، على الأشخاص اللي حواليه واللي بيهتموا بيه العمل على اكتشاف أموره المفضلة.
• يفضل معاملته بعناية وحب، والعمل على رضاه لتجنب غضبه كلامه المؤذي. الثقة بقدرته على تقديم المساعدة عند الحاجة لها. تفهم رغبته في معرفة كل حاجة عن الأشخاص لوحده. فهو فضولي جدًا، غير إن حدسه القوي بيساعده على معرفة كل اللي عايزه لوحده.

لو انتي اللي برج العقرب، اقري هنا مواصفات البرج بالتفصيل.

المصادر
www.horoscope.com
www.astrostyle.com
www.msn.com

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.