الأدوية هي أكتر حاجة مخيفة بالنسبة للأمهات خلال مرحلة الرضاعة الطبيعية، لدرجة بعض الأمهات بتختار إنها تستحمل الألم ولا إنها تاخد مسكن والبعض بيرفض ياخد مضاد حيوي أو أي دواء تاني خوفًا من مرور الأدوية في اللبن للبيبي. المشكلة بتزيد مع زيادة الوزن الكبيرة بعد الولادة واللي بتخلي أمهات كتير تدور على أدوية التخسيس الآمنة أثناء الرضاعة. لكن السؤال هل فعلًا في أدوية تخسيس تنفع مع الرضاعة، طيب لو في اكتئاب ما بعد الحمل هل في أدوية اكتئاب آمنة على الرضاعة، ونيجي للمشكلة الأكبر وهي الإمساك خصوصًا بعد الولادة، هل بيكون في أدوية ملينة للمرضعات، ويا سلام على دور البرد لما يتمكن من الست وهي بترضع تبقى مش عارفة تقضيها حاجات سخنة ولا تروح تدور على أدوية البرد للمرضعات. عشان كده هنكلمك عن الأدوية الآمنة والممنوعة خلال الرضاعة الطبيعية.
أهم نصائح الأدوية الآمنة والممنوعة خلال الرضاعة
مبدأيًا كده معظم الأدوية ممكن تتاخد أثناء الرضاعة الطبيعية بما فيها أدوية اكتئاب ما بعد الولادة، وده بدون أي ضرر للطفل. صحيح كميات صغيرة من أي دوا ممكن تمر للطفل من خلال حليب الأم، لكن بشكل عام كل الأدوية آمنة باسثتناء مجموعة قليلة جدًا اللي مش أمان خلال الرضاعة الطبيعية. وعمومًا عشان تكوني في الأمان، لازم دايمًا تعرفي الصيدلي أو طبيب الأسنان وطبعًا دكتورك إنك بترضعي طبيعي عشان يحط ده في الحسبان.
لو لسه حامل، اعرفي مخاطر الباراسيتامول للحامل
الأدوية الممنوعة أثناء الرضاعة الطبيعية
- الكوديين: وده دواء من المركبات الأفيونية اللي بتستخدم عادةً لتسكين الآلام البسيطة أو المتوسطة. وبتعتمد آلية عمل الكودين على تغيير طريقة استجابة الدماغ والجهاز العصبي.
- مزيلات الاحتقان اللي بتكون على شكل بخاخات أو نقط، تجنب الأدوية التي تحتوي على مادة سيدوفيدرين (Pseudoephreine). فهذا الدواء يمكن أحيانًا أن يسبب الإزعاج والأرق للأطفال الرضع، كما أن الدواء له تأثير سلبي على تصنيع وإدرار الحليب.
- سوائل المضمضة التي تحتوي على مادة بوفيدون (Povidone iodine) حيث إن هذا المنتج قد يؤثر سلبًا على هرمونات الغدة الدرقية بجسم الرضيع.
- يفضل تجنب حبوب منع الحمل المركبة اللي بتحتوي على الإستروجين(Estrogen) والبروجستين (Progestin) لأنها بتقلل إدرار الحليب.
- الأسبرين
- العلاجات العشبية ممكن تحتوي على مكونات يمكن أن تكون خطيرة على الرضيع، لذلك يجب استشارة الطبيب أو الصيدلي قبل تناول أي مكمل غذائي.
- مضادات الهيستامين
- لا يُنصح عمومًا بأي اختبار فحص أو علاج للغدة الدرقية باستخدام اليود المشع أثناء الرضاعة الطبيعية. ومع ذلك، إذا لزم الأمر، يمكن استخدامه لكن يجب على الأم الانتظار لعدة أيام حتى يتخلص الجسم من اليود قبل استئناف الرضاعة الطبيعية.
الأدوية الآمنة خلال الرضاعة الطبيعية:
- في حالة الألم أفضل مسكنات للصداع والآلام الخفيفة هو دواء الباراسيتامول (Paracetamol) أو الأسيتامينوفين (Acetaminophen)
- ممكن استعمال الكريمات والبخاخات الموضعية المسكنة للألم مع مراعاة مدة الاستخدام.
- في حالة الاحتقان والأنفلونزا، ممكن استخدام ماء البحر ولا ضرر من استعمال حبوب المص وسوائل المضمضة لآلام الحنجرة.
- أدوية الحساسية: ممكن استخدام مضادات الهيستامين بحذر حيث يمكن لبعضها أن تسبب النعاس للرضيع. استشيري طبيبك في ذلك قبل تناولها.
- أدوية منع الحمل: الحبوب الصغيرة اللي بتحتوي على جرعات خفيفة من هرمون بروجسترون فقط هي أفضل خيار للمرضعات.
- أدوية الجهاز الهضمي: يُفضل استخدام الملينات القائمة على الألياف أثناء الرضاعة الطبيعية، لكن يجب الحذر من الجرعات الكبيرة لأنها قد تتسبب في إصابة الطفل بالإسهال، وعموما أدوية عسر الهضم، ومضادات الحموضة يعتبر استخدامها لعسر الهضم والارتجاع المعدي المرئي آمن مع الرضاعة الطبيعية.
- الفيتامينات والمعادن والمستحضرات العشبية: بعض مكملات الفيتامينات والمعادن آمنة للاستخدام أثناء الرضاعة الطبيعية زي (فيتامين ب) بالجرعات العادية
- الأدوية النفسية ومضادات الاكتئاب: مفيش أدلة كافية بتوصي بإيقاف الرضاعة الطبيعية أثناء تناول أدوية الاكتئاب مادامت بجرعات قليلة، لكن لازم الأم تراقب على رضيعها أي أعراض نعاس أو سوء تغذية أو عدم تركيز.
- المضادات الحيوية: عادة مش بتكون مؤثرة لكن برضه لازم ما يتاخدش غير بعلم الدكتور ولازم تعرفي الصيدلي وانتي بتشتري إنه الدواء ده هتاخديه وانتي بترضعي.
- الأمراض المزمنة: في أمراض زي السكر والضغط وغيرها بتتطلب استمرارية أخذ العلاج وبالتالي بتتواجد كتير في لبن والأم وفي الحالة دي الدكتور هو اللي يقدر يحدد إذا كان الأم هينفع تكمل رضاعة أو لا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك