من وقت ظهور كوفيد 19 في بدايات السنة اللي فاتت وفيه اعتقاد عام إن الأطفال مناعتهم أحسن تجاه الفيروس، وإن مفيش عليهم خطر كبير في حالة الإصابة بكوفيد 19. مع زيادة المعلومات الواردة عن الفيروس، بدأنا نكتشف إن محدش بره دايرة الخطر. في الفيديو الجاي هنشوف المذيع عمرو أديب في مكالمة مع وزير التعليم العالي والبحث العلمي الدكتور خالد عبد الغفار، عشان الوزير يشرح الاستعدادات اللي اتخذتها الدولة تجاه الأطفال المصابين بكوفيد 19 واللي تضمنت مستشفيات عزل مخصوصة عشانهم.
حسب كلام دكتور خالد عبد الغفار، يُعتبر الأطفال أقل من سنة واحدة معرضين لخطر الإصابة بـ COVID-19 نظرًا لإن نظام المناعة عندهم مش مكتمل وجهازهم التنفسي مش قوي بما يكفي لمحاربة الفيروس.
قال كمان إن احتمالية إصابة الأطفال اللي أعمارهم أقل من سنة واحدة بمشاكل في التنفس بسبب فيروسات الجهاز التنفسي أعلى، خاصة لو كانوا مصابين بمشاكل زي أمراض الجهاز التنفسي، أو أمراض القلب أو المناعة، في الحالة دي بتكون المضاعفات خطيرة.
مصر دلوقتي بتقوم بتخصيص مسشفيات عزل للأطفال وبتتأكد من وجود أقسام بتركز بشكل خاص على علاج الأطفال المصابين بـ كوفيد19.
التعليق باستخدام حساب فيس بوك