محتويات المقال
لما أطفالنا بيكبروا شوية، أول حاجة بنسأل عليها هي ندخلهم الأكل إمتي، ودايمًا بيحصل النقاش والخلاف بين معلومة ندخل الأكل الصلب للطفل من سن 4 شهور ولا 6 شهور، بس الحقيقة إن أيًا كان العمر اللي هتدخلي فيه الأكل لابنك، ففي أكلات لازم تدخل في وقت معين متأخر عن بقية الأكل، ومن الأصناف دي: المأكولات البحرية، وده اللي هنقولك عليه في المقال ده:
-
إمتى أدخل المأكولات البحرية في تغذية الطفل؟
أيًا كان الوقت اللي اتفقتي عليه مع طبيب طفلك على دخول الأكل الصلب إمتى لطفلك، بس في أكلات لازم تتأخري في تقديمها لطفلك، زي المأكولات البحرية، وحتى الأكلات البحرية لازم تتقدم على كذا مرحلة لإن أنواعها بتختلف وبالتلي بيختلف توقيت تقديمها للطفل.
والعمر المناسب لدخول المأكولات البحرية للطفل من سن 9 شهور لـ 12 شهر، بعد ما تقدمي لطفلك كل الخضروات والفواكه، والأبان وتتأكدي إن هضم طفلك مستقر، ومعندوش حساسية من أنواع معينة من الأكل.
-
إيه هي الأنواع المفيدة اللي تتقدم للطفل الأول من المأكولات البحرية؟
- الجمبري
- سمك السلمون
- السمك البلطي
- السمك البوري
وكل الأسماك اللي نسبة الزئبق فيها قليلة ومناسبة للأطفال.
-
الأكلات البحرية اللي مش مناسبة للأطفال في سن مبكر:
- سمك القرش
- سمك أبو سيف
- سمك الرنجة
- سمك القرميد
وكل الأسماك اللي نسبة الزئبق فيها عالية.
-
نصايح عامة لتقديم الأكلات البحرية لطفلك:
- أكلي طفلك المأكولات البحرية مرتين أو تلاتة باكتير في الإسبوع.
- ممكن تدخلي المأكولات البحرية لطفلك مع مأكولات تانية زي الرز والمكرونة والخضروات.
- انزعي الشوك كويس جدًا من السمك، واتأكدي من كل قطعة قبل ما تأكليها لطفلك.
- في أعراض معينة هتدل على الحساسية لازم تاخدي بالك منها لو ظهرت على طفلك، زي:
- تورم في الوجه أوي مناطق في الجسم.
- الغثيان.
- القيء.
- ارتفاع الحرارة.
- التهيج.
- الطفح الجلدي أو البقع الحمراء.
- الصعوبة في التنفس.
- لون أزرق في الجلد.
- الاختناق.
-
فوائد المأكولات البحرية للأطفال:
- غنية بالمغذيات: لإن المأكولات البحرية بتتصنف ضمن المأكولات منخفضة الدهون المشبعة، والغنية بفيتامين (د) والبروتينات والفيتامينات.
- مفيد لصحة الجلد: في دراسات بتقول إن الأطفال اللي بياكلوا الأسماك من سن مبكر أقل عرضة للإصابة بالإكزيما.
- غنية بأحماض أوميجا 3: ودي فايدتها إنها بتعزز من نمو الدماغ للأطفال وبتحس من جودة الرؤية، ومن الأسماك دي: السالمون.
ودي مجموعة أكلات ووصفات تقدري تقديمها لطفلك:
- بالفيديو: تحدي وصفة السبانخ للأطفال
- بالفيديو: طريقة عمل كرات اللحم بخضروات مستخبية للأطفال
- بالفيديو: وصفة كرات الطاقة للأطفال
- بالفيديو: طريقة عمل ناجتس البطاطس والبروكلي
- طريقة عمل الأرز بلبن لطفلك الدارج
- بالفيديو: أكلات بيبي أقل من سنة .. وصفة الشوفان بالتفاح والقرفة
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
verywellfamily.com
parents.com
webteb.com
التعليق باستخدام حساب فيس بوك