العالم كله دلوقتي بقى فيروس الكورونا هو شغله الشاغل، وزي ما البلاد بتاخد احتياطاتها لحماية مواطنيها، الأمهات كمان بيعملوا نفس الدور مع أولادهم وأزواجهم وبيوتهم، بس طبعًا أمهات العالم كله كوم والأم المصرية الجميلة المعروفة بالتاتش بتاعها كوم تاني.
ودلوقتي هنقولك علامات إنك أم مصرية في زمن الكورونا:
بتشتري ٥ كيلو ينسون علشان سمعتِ في التليفزيون إن الينسون بيعالج الكورونا
الكورونا. من موقع فالصو
شغالة طول اليوم كوبي بيست لينكات لجروب العيلة وجروبس المدرسة وجروب الشغل كمان.
الكورونا. من موقع elchorrillero
كل أما حد من ولادك يكح ولا يعطس تتخضي وتكلمي أختك بسرعة تقوليلها الولاد بيكحوا ربنا يستر
الكورونا. من موقع istockphotos
جواكي شخصيتين
شخصية عاوزة تقعد الولاد من المدرسة عشان خايفة عليهم، و التانية خايفة من إللي هيحصل لو طلع قرار يوقف الدراسة.
الكورونا. من موقع أوساط
بتشتغلي بعد الضهر محلل سياسي
لو طلع تصريح ينفي الإصابات يبقى في تعتيم، لو طلع بيان يقول إن في حد اتصاب يبقى تشويه لصورة البلد وحسبنا الله ونعم الوكيل.
الكورونا. من موقع المدينة نيوز
زعلانة على قرار وقف تأشيرات العمرة مع إنك معكيش فلوس تروحي إسكندرية أصلا
الكورونا. من موقع الرأي نيوز
ماسكه في نكتة الشوكولاته الكورونا
وبتضحكي عليها في كل مرة، وبتقوليها لكل حد تقابليه، وولادك بيحاولوا يضحكوا عشان مايكسفوكيش.
الكورونا. من موقع الوطن نيوز
قطعتي علاقتك ببنت خالتك عشان ابنها عطس مرة أول الشتا
الكورونا. من موقع بيبي سنتر
عملتي خندق في سحارة السرير عشان لو كورونا بقت وباء
الكورونا. من موقع اليوم السابع
منعتي جوزك يبوس العيال عشان شغله في شارع مطعم بكين
الكورونا. من صفحة بيكين على فيسبوك
بدأتِ تفكري في التعليم المنزلي
الكورونا. من موقع 360moms
قوليلنا كام علامة من دول تنطبق عليكِ، ولو إنتِ أم مش مصرية بس انطبق عليكِ أكتر من خمس علامات تبقي تستحقي الجنسية.
التعليق باستخدام حساب فيس بوك