الإسعافات الأولية للجروح لقتل الميكروبات ومنع تلوثها

في بيئة الحياة اليومية ممكن نتعرض احنا أو اللي حوالينا لجروح أو خدوش صعبة، ومهم جدًا إن احنا نكون عارفين إيه الإسعافات الأولية اللي هنحتاجها، علشان نتجنب أي مضاعفات صحية ممكن تحصل:

• غسيل الإيدين:

بيساعد على منع الإصابة بالعدوى.

• وقف النزيف:

نزيف الجروح والخدوش البسيطة بيقف لوحده غالبا، لكن مهم إن احنا نضغط بالراحة على الجرح باستخدام ضمادة أو قماش نضيف، نرفع المنطقة المصابة بالجرح للأعلى لغاية ما النزيف يقف.

• تنظيف الجرح:

ضروري جدًا الجرح يتغسل بالمياه، المياه المفتوحة من الحنفية بتقلل من خطر الإصابة بالعدوى، والمنطقة المحيطة لازم تتغسل بالصابون، ونحاول إن احنا نتجنب إن الصابون يدخل في الجرح لأن ده ممكن يعمل تهيج للجلد والجرح، بنحاول إننا نشيل أي أوساخ أو بقايا في الجرح باستخدام ملقاط متعقم بالكحول.

• نستخدم مرهم مضاد حيوي أو فازلين:

عشان نحافظ على ترطيب سطح الجلد ونبعده عن الخدوش، أحيانا بيبقى في مكونات مثيرة لحساسية الجلد في المراهم بالنسبة لبعض الناس، ضروري إنها تقف في حالة تهيج الجلد.

• تغطية الجرح:

بضمادة أو شاش ملفوف أو قطعة شاش بيتم تثبيتها بلاصقة ورقية، تغطية الجرح هتحافظ على الجرح نضيف لكن لو  كانت الإصابة مُجرد خدش أو جرح بسيط، فممكن نسيبها من غير غطا.

• تغيير الضمادة:

ضروري إن الضمادة تتغير كل يوم أو كل ما اتبلت أو تلوثت.

• مراقبة علامات العدوى:

لازم نتابع أي علامة للعدوى حول الجرح زي الاحمرار أو زيادة الاحساس بالألم أو السخونية أو التورم للمكان.

أهم خطوات للتعامل مع الولادة المفاجئة والاسعافات الأولية لها

لازم نطلب رعاية طبية فورية في الحالات دي:

• كان الجرح بيواصل النزف بعد دقايق من الضغط المباشر عليه.
• كان الجرح بسبب عضة حيوان أو إنسان.
• كان الجرح عميق وملوث.
• كان الجرح بسبب جسم معدني.
• كان الجرح عميق في الرأس أو الرقبة أو كيس الصفن أو الصدر أو البطن.
• كان الجرح على مِفصل أو ممكن يكون عميق.
• لو مكانش الشخص المصاب أخد لقاح الكزاز في الخمس سنين اللي فاتوا وكان الجرح عميق وملوث ممكن الدكتور ينصح بجرعة زيادة من اللقاح، وضروري الجرعة دي تتاخد في خلال 48 ساعة من الإصابة.

مع تمنياتنا ليكي ولأسرتك بالصحة والعافية.

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا. 

المصادر:

mayoclinic.org