مبدئيًا خلينا نقول يعني إيه إفراط في العلاقة الحميمة. وعشان نعرّف يعني إيه إفراط، لازم نعرف متوسط ممارسة العلاقة الحميمة في الأسبوع قد إيه. الدراسات بتقول إن المتوسط بتاع ممارسة الجنس في سن العشرينات هو مرتين في الأسبوع وفي التلاتينات من مرة لاتنين في الأسبوع وفي الأربعينات مرة في الأسبوع. يبقى إفراط ده بيبدأ من ضعف المتوسط وطالع. تعالي نشوف بقى هنعمل إيه في الإفراط في العلاقة الحميمة وأثرها أو عدمه على صحتك وصحة الزوج.
بالفيديو: مواجهة مشاكل العلاقة الجنسية
حدود ممارسة العلاقة الحميمة
زي ما قلت لك المتوسط في أقصى حالاته مرتين في الأسبوع لكن برضه لو انتي عروسة جديدة، غالبًا هتلاقي نفسك كل يوم انتي وجوزك بتمارسوا العلاقة الحميمة. وده طبيعي بل ومستحب في الأول لإنكم لسه بتجربوا متعة معينة لأول مرة تجربوها. لكن بعد هدوء العواطف، ممكن توصلوا للمتوسط، وممكن لا. في الحالتين ما تقلقيش. مفيش حاجة أصلًا بتقول صح وغلط في عدد مرات الجنس، لإن احتياجاتنا العاطفية والجنسية بتختلف من شخص للتاني.
أسباب عنف الرجل في العلاقة الحميمة
مشكلة الإفراط في العلاقة الحميمة
إمتى بقى نقول إن فيه مشكلة؟ وفيه إفراط؟ لما يحصل حاجات معينة:
- حد من الطرفين مش قادر يواكب التاني.
- ممارسة العلاقة الحميمة مأثرة على حياة أحد الطرفين (يعني بالغي مواعيد عشانها، باتأخر على الشغل بسببها، ما باخرجش في الويك إند وبافضل في السرير طول اليوم).
- مشاكل الأعضاء التناسلية
- التهابات. يعني القضيب كإنه متجرح، أو المهبل فيه حرقان.
- تورم (عادة في الجزء الخارجي من العضو الأنثوي).
- حرقان في البول
- مشاكل صحية أخرى
- وجع شديد في الرقبة (خاصة عند الست)
- وجع شديد في عضلات الرجل ومفاصلها (خاصة عند الراجل – والعضلة الضامة عند الست)
- صداع
- دوار
- حرقان في البول
- نوبات جوع
لو لقيتي عندك الأعراض دي أو عند الزوج، لازم تعيدوا تقدير الموقف وتوقفوا اللي بتعملوه.
هل سمنة الرجل أو المرأة تؤثر على العلاقة الجنسية
ليه كثرة ممارسة الجماع؟
لما تظهر الأعراض دي، لازم عشان توقفوا، تعرفوا ليه أصلًا عندكم إفراط في العلاقة الحميمة. ممكن يكون ده:
- الطريقة الوحيدة للتعبير عن المشاعر عند أحد الطرفين. هنا ممكن تتكلموا عن لغات الحب الخمسة وتلاقوا طرق مختلفة للتعبير عن المشاعر.
- طريقة تخفيف التوتر أو التنفيس عن الغضب. العبوا رياضة أو انزلوا اجروا أو نضفوا البيت. اعملوا نشاط يخرج التوتر والغضب غير الجنس. ده مش بس عشان الأعراض السابقة تختفي، ده كمان عشان ما يرتبطش الجنس بالغضب عندكم.
- إدمان عند حد من الطرفين (خاصة لو صاحب اضطراب شخصية حدية) وهنا لازم تدخل من متخصص نفسي.
التعليق باستخدام حساب فيس بوك