محتويات المقال
ابني بيرضع رضاعة طبيعية حصرية وبيعاني من الإمساك، أعمل إيه؟
الأمهات اللي بترضع رضاعة طبيعية مطلقة من غير أي طعام أو شراب تاني مع الرضاعة أطفالهم مش بيعانوا عادة من الإمساك، لأن لبن الأم بيعمل أحسن موازنة بين الدهون والبروتين فبيخلي برازهم طري حتى لو كان البيبي بيتبرز كل كام يوم.
ومع كده في عوامل ممكن تسبب الإمساك للطفل اللي بيرضع رضاعة طبيعية بس زي:
- إن لبن الأم ما يكونش كفاية بالنسبة له، وده بيبان في عدم زيادة وزنه بالشكل المطلوب وإنه يكون بيعيط بعد ما يخلص رضاعة وفي الحالة دي الأطباء بيدوا للأم أدوية لزيادة الحليب وبينصحوها بأكل الأكل المناسب للأم المرضعه.
- طبيعة أكل الأم كمان ممكن تسبب إمساك للطفل، فلو كانت بتاكل أكل مسبب للإمساك وبتهمل أكل الألياف والخضار ممكن جدا إن طفلها يكون عنده إمساك.
نعالج الإمساك إزاي في الحالة دي؟
- الأطباء مش بينصحوا بإن الطفل ياخد ملينات لفترة طويلة عشان جسمه ما يتعودش عليها، ولو ما تحسنش الإمساك بينصحوا بعمل سونار على البطن عشان يتم التأكد من حركة الجهاز الهضمي اللي ممكن تتعالج بأدوية تانية مافيهاش تعود زي الملينات.
فيه علاجات منزلية ممكن استخدامها عشان تساعد طفلك على التخلص من الإمساك:
التمارين:
ممكن تستغربي ده في حالة الطفل الرضيع بس التمارين عموما بتحفز حركة الأمعاء، عشان تعملي ده حركي رجلين الطفل وهو نايم على ضهره كأنه راكب عجلة.
الحمام الدافئ:
الميه السخنة بتريح عضلات البطن وبتقلل من أعراض الإمساك المزعجة.
تجربتي: أنا ما رضعتش طبيعي .. أنا مش أم وحشة
إمتى لازم تروحي للدكتور؟
بينصح بمراجعة الطبيب لو عدى على طفلك الرضيع يومين أو أكتر من غير تبرز أو لو ظهرت عليه أي حاجة من الأعراض دي فلازم تروي للدكتور فورا :
- دم في البراز.
- بيعاني الطفل من الام في البطن.
- مفيش تحسن في الإمساك على الرغم من تجربة العلاجات المنزلية.
- الطفل بيعيط وبقى منزعج طول الوقت.
أهم 5 نصائح للآباء خلال فترة الرضاعة الطبيعية
التعليق باستخدام حساب فيس بوك