محتويات المقال
لما البيبي بيكون في شهوره الأولى، مش بتكون الأم عارفة تفرق ما بين القشط والترجيع والارتجاع، مع إنها بتكون ماشية على قواعد الرضاعة الطبيعية الصحيحة، وبتكرعه بعد كل رضعه، ومع كده بتعاني من ارتجاع الطفل، علشان كده في المقال ده هنقولك كل حاجة عن الارتجاع عند الأطفال، أسبابه وأعراضه وعلاجه:
-
إيه هو الارتجاع عند الأطفال؟
هو طلوع الأكل من المعدة لفوق، سواء للمريء أو بيوصل للفم، وبتحصل للأطفال الرضع.
-
إيه الفرق بين القشط والارتجاع؟
- القشط هو نوع من أنواع الارتجاع الطبيعي، وده بيحصل للأطفال الأصحاء كذا مرة في اليوم الواحد، وده مفيش منه قلق، مادام نمو الطفل ووزنه ماشيين كويس، ونادر لما بيسبب خطورة للطفل، وبيبدأ يقل كل لما البيبي يكبر، لحد ما يوصل سن سنة ونص بيختفي خالص.
- أما الارتجاع المرضي أو الخطير، ده اللي بيصاحبه مشاكل في نمو الطفل، وده بينبه الأم لمشكلة صحية غير الارتجاع، زي الحساسية أو انسداد في الجهاز الهضمي، أو الإصابة بمرض الارتجاع المعدي المريئي.
-
أسباب الارتجاع عند الأطفال
في الرضّع بكون حلقة العضلة بين المريء والمعدة، مش مكتملة النمو، وده بيسبب ارتجاع محتويات المعدة، بالاضافة للأسباب دي:
- استلقاء الطفل في وضعية مسطحة معظم الوقت
- احتواء معظم النظام الغذائي على سوائل
- الولادة المبكرة للأطفال
- الإصابة بمرض الارتجاع المعدي المريئي واللي بيحتوي فيه الارتجاع على كمية من الأحماض كافية لتهييج بطانة المريء وإلحاق الضرر بها.
- ضيق في الصمام الفاصل بين المعدة والأمعاء الدقيقة بيسبب منع إفراغ محتويات المعدة في الأمعاء الدقيقة.
- الحساسية من الحليب.
- نوع من أنواع التهابات المريء اسمه التهاي المريء اليوزيني.
-
أعراض الارتجاع عند الأطفال
- مفيش زيادة في الوزن
- قشط مستمر، لدرجة اندفع محتويات المعدة لخارج الفم باندفاع.
- يندفع من معدة الطفل لفمه سائل أخضر أو أصفر اللون
- يندفع من معدته إلى فمه دم أو مادة تشبه حبوب القهوة
- رفض الأكل
- دم في البراز
- صعوبة في التنفس أو كحة مزمنة.
- عصبية شديدة بعد الأكل.
هنا ممكن تشوف أعراض فيروس كورونا للأطفال أقل من سنتين
-
طرق علاج الارتجاع عند الأطفال
- أهم طريقة على الإطلاق إنك تستشيري طبيب الأطفال، حتى لو مفيش أعراض مقلقة بالنسبة لك، لكن لو لاحظتي إن الارتجاع فوق الطبيعي يبقى لازم تكلمي دكتورك في أسرع وقت.
- كرّعي طفلك باستمرار بعد وأثناء الرضاعة.
- ما تهزيش الطفل أو تلاعبيه بشكل عنيف بعد الرضاعة أو الأكل.
- ماتخليش طفلك ينام بعد الأكل مباشرة، ولو حصل يبقى لازم تنيميه على كتفك، أو بزاوية 45 درجة على السرير.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
What’s your Reaction?
التعليق باستخدام حساب فيس بوك