محتويات المقال
ناس كتير اتفاجئت في حلقة الأمس 8 مايو (الحلقة 26) في مسلسل “لعبة نيوتن” بمشهد هنا ومؤنس اللي بيحاول إجبارها فيه على العلاقة الجنسية وفي النهاية مشهدها وهي بتجري من الأوضة بعد ما مؤنس اغتصبها. وسبب المفاجأة إن ناس كتير ما كانتش تعرف إن ده أصلًا اسمه اغتصاب. إيه هو الاغتصاب الزوجي وموقفه القانوني إيه وأثاره النفسية إيه؟ ده اللي هنعرفه في المقال ده.
تعريف الاغتصاب الزوجي
الاغتصاب الزوجي هو استعمال القوة من جانب الزوج وإرغام الزوجة على ممارسة الجنس بعدم رضاها. يعني ببساطة هو اغتصاب (إرغام شخص على ممارسة الجنس بالقوة) ولكن الشخص ده هو الزوجة. وده بيندرج تحته إدخال أي شيء في جسم المجني عليها بدون رغبتها. بمعنى: مش شرط يكون إيلاج العضو الذكري في المهبل، ممكن إيلاجه في أي مكان آخر في جسم المجني عليها. أو إيلاج أي شيء آخر زي صباع أو أداة.
أنواع الاغتصاب الزوجي
- الإيلاج زي ما اتكلمنا عنه في التعريف
- ممارسة الجنس مع الزوجة أثناء نومها أو فقدها الوعي
- ابتزاز الزوجة تحت أي مسمى وممارسة الجنس معاها
معضلة الاغتصاب الزوجي في مصر
عندنا هنا مشكلة كبيرة جدًا وهي إن الناس فاكرة إن عقد الزواج بين رجل ومراته هو عقد بيمنح الزوج سلطة لا نهائية على الزوجة. وده بيديه الحق إنه يمارس معاها العلاقة الجنسية أي وقت برضاها أو لا. يعني الزوجة في نظرهم مش أكتر من شيء مملوك للزوج من حقه يعمل فيها أي حاجة في أي وقت. والفكرة الاجتماعية دي كمان القانون بيؤيدها لإن القانون المصري لا يجرم اغتصاب الزوج لزوجته ولا يندرج الاغتصاب الزوجي تحت نص المادة 267 لقانون العقوبات.
الآثار النفسية للاغتصاب الزوجي
- مشاكل في التفاهم
- فقد الرغبة الجنسية من جانب الزوجة
- اكتئاب
- كرب ما بعد الصدمة
- كره الزوج وكره العلاقة الحميمة
- التشنج المهبلي
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك