محتويات المقال
جسم الكمثرى يعني أكتاف صغيرة ووسط صغير وجناب عريضة. الجزء العلوي من الجسم بيكون أصغر من الجزء السفلي. الستات صاحبة جسم الكمثرى بتحتار شوية إنها تعرف تلبس على شكل الجسم بطريقة تبرز جماله وتخفي عيوبه. عشان كده، جيبنا في المقالة دي الحل في موضة جسم الكمثرى.
موضة شتاء 2021 للمحجبات: أجمد 10 لوك لهذا الشتاء
نصائح عامة للبس جسم الكمثرى
الجزء العلوي من الجسم
- بلاش الأكتاف الساقطة، خليكي في الأكتاف المحددة عشان تبين إن الكتف عريض أو البسي off-shoulder عشان يبين جمال الكتف.
- البسي برا بوش أب push up عشان يرفع الصدر ويدي شكل حلو
- البسي ألوان فاتحة ومزهزهة ومنورة في بلوزاتك وتي شيرتاتك إلخ.
- البسي بلوزات فيها نقشات أو شغل أو تفاصيل تاخد العين وتشدها فوق.
- وسطك صغير ودي حاجة جميلة وممكن تبينيها بتفصيلة مظبوطة من عند الوسط.
- البسي كذا طبقة براحتك لإن ده بيعمل شكل فوق فياخد العين.
- بلاش تلبسي حاجة مربعة.
ألوان موضة شتاء 2021: ألوان مبهجة بأناقة
الجزء السفلي من الجسم
- بلاش أي نقشة في أي حاجة هتلبسيها.
- اختاري أغمق درجات من الألوان اللي هتلبسيها.
- بلاش حاجة سكيني أو واخدة شكل الجسم.
- بلاش أي شغل (جيوب – حزام – إلخ) تحت الوسط.
مصممة الأزياء فيرا زولوتاريفا.. روسية بدرجة مصرية
محاذير جسم الكمثرى
- البنطلون السكيني.
- أي نقشة في الجيبة أو البنطلون.
- التوب top (بلوزة أو بلوفر أو غيره) الطويل.
- الفستان الstraight.
البنطلونات المحببة
الأربع تفصيلات/ستايلات دول في البنطلونات هم الأحسن للجسم الكمثرى. زي ما قلت لك، يفضل تبعدي عن السكيني تمامًا. ممكن تعرفي من هنا ازاي تحلي لغز البنطلون الجينز وتعرفي تختاري الموديل المناسب ليكي.
أحسن فساتين للجسم الكمثرى
بما إن أجمل جزء في الجسم الكمثرى هو الوسط، فالأفضل إنك تلبسي فساتين تبرز الوسط وجماله عن طريق حزام أو حزام وهمي أو تفصيلة، زي اللي شايفاهم في الصورة.
أحسن جواكت للجسم الكمثرى
الأحسن إنك تميلي دايمًا للجواكت القصيرة اللي واقفة عند الوسط أو تحته على طول وبتبرز جمال الوسط.
أفضل أشكال البالطو للجسم الكمثرى
زي ما انتي شايفة في الصورة، أهم حاجة في بالطو الجسم الكمثرى هو الحزام اللي بيبيّن شكل وجمال الوسط، وما بينزلش على شكل مستطيل.
نتمنى لك السعادة والمظهر الرائع.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك