في الشهور الأولى للبيبي، بتكون الأم لسة مش عارفة طريقة التعامل معاه، وغالبًا بيكون بيعيط كتير، فالنصيحة اللي بتتقال لها دايمًا: “إديه أعشاب الأطفال البيبي درينك ” علشان لو عنده مغص يخف، أو علشان تهديه أو لو جعان يشبع، وفي أمهات بتضيف العسل الأبيض على الأعشاب علشان تديله قيمة غذائية أكبر، لكن هل ده مفيد وصحيح بالنسبة للبيبي؟ ده اللي هتعرفيه في المقال ده:
منظمة الصحة العالمية وكتير من الأطباء، قالوا إن أفضل ما توصلت له الأبحاث والدراسات الطبية إن الرضيع من سن الوادة وحتى 6 شهور، يُفضل إننا نكتفي له بالرضاعة الطبيعية الحصرية، ولا بيرضع رضلعة صناعية، فبرضه تكون حصرية، ما يدخلش معاهم لا مياه ولا أعشاب ولا عسل.
-
طيب البيبي عنده مغص أعمل إيه؟
تكلمي الطبيب وهيوصف ليكي أدوية تريح له معدته، وهيشوف أسباب المغص، واللي ممكن يكون من أعراض الإمساك أو أي أمراض تانية، لكن الأعشاب في غالبيتها مهدئة لكن مش معالجة للمغص.
-
لو عاوزه أقدم الأعشاب لطفلي، أعمل إيه؟
- تسألي طبيب الأطفال الأول.
- ابعدي تمامًا عن الأعشاب الجاهزة، (البيبي درينك) لإنك مش عارفة مكوناتها إيه، واللي بتحتوي على أعشاب بتسبب النعاس، ودي الحيلة اللي انتي بتفكري بيها إن الطفل ارتاح من الوجع ونام.
- اعملي انتي الأعشاب في البيت واتأكدي من مصدرها ونضافتها.
- اكتفي بالبابونج أو الشمر.
- ما تخلطيش أعشاب مع بعضها نهائيًا.
- ما تقدميش الأعشاب لطفلك باستمرار، لكن في الحالات اللي بيكون مصاب فيه بأمراض جرثومية فقط.
- ما تضيفيش العسل على الأعشاب، علشان الطفل ما يتعودش على الطعم المُحلى ويكره لبن الأم أو اللبن الصناعي.
-
أيه أضرار الأعشاب على الرضع؟
- التسمم بالزرنيخ أو الرصاص أو الزئبق، وده لإن جسم الطفل الرضيع بيستجيب للمواد الفعالة الموجودة في الأعشاب بشكل مختلف عن الأطفال الأكبر سنًا، بسبب عدم اكتمال جهاز المناعة والجهاز العصبي والجهاز الهضمي لديهم.
- الحساسية/ لإن الرضيع ممكن يعاني من حساسية تجاه أنواع معينة من الأعشاب.
- التفاعل مع الأدوية الموصوفة للرضيع.
مشروبات عشبية صحية للبيبي حديث الولادة (بعد الشهر السادس)
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك