التخدير النصفي أكتر حاجة بتخوف معظم الأمهات اللي حابين يلجأوا لخيار الولادة بدون ألم لكن في نفس الوقت عندهم مشكلة مع البنج النصفي، ومن هنا بتبدأ سيدات كتير تسأل عن مدة خروج البنج النصفي من الجسم و تسأل جوه الجروبات “تجاربكم مع البنج النصفي” ويبدأ الخوف لما يلاقوا منشورات سابقة عن علاج آلام الظهر بعد التخدير النصفي و أسباب آلام الرقبة بعد البنج النصفي، لكن يبقى السؤال الرئيسي والأساسي “هل حقنة البنج النصفي مؤلمة؟”.
هنا شوفي ازاي تستعدي قبل الولادة القيصرية
يعني إيه تخدير نصفي وإيه هي الأبيدورال Epidural؟
آلام الولادة بتختلف من ست للتانية حسب عوامل كتير جدا، منها عوامل جينية وعوامل متعلقة بصحة الست وعوامل تانية متعلقة بالطفل نفسه زي إن راسه تكون لقدام أو إن الست تاخد طلق صناعي، لذلك إبرة الظهر هي حقنة بتاخدها الست لحظة الولادة وبيتم حقنها إما في سائل الحبل الشوكي، أو في مكان اسمه فوق الجافية، وفي الحالتين الحقنة بتتاخد في الضهر، عشان توقف شعورها بالألم في النصف السفلي من الجسم، سواء ولادة طبيعية أو قيصرية، وعموما الحقنة آمنة لكن في بعض الأحيان ممكن تحصل مضاعفات نادرة جدا زي:
- انخفاض ضغط الدم بشكل مفاجئ
- الصداع الشديد خلال إدخال الإبرة
- صداع يبدأ بعد يوم من إدخال الإبرة
- ألم مؤقت أو نزيف في مكان إدخال الإبرة، غثيان، صعوبة التبول، حكة في الجلد، تنميل في الساقين، لكن في العموم بعد الولادة بيكون من الضروري إن لأم تمشي وتتحرك.
هنا أعراض العصب السابع وطرق علاجه
إيه هي مميزات وفوائد استخدام التخدير النصفي؟
- هي أفضل طريقة لتسكين آلام الولادة
- بتسكن ألم الطلق بشكل ممتاز
- نسبة الدوا اللي بتوصل للجنين قليلة دا مقارنة بالأدوية اللي بتتاخد عن طريق الوريد
- بيستخدم كمخدر في حالة الولادة القيصرية الطارئة
- بيخلي الأم في وعيها خلال لحظة خروج المولود وده بيزود المشاعر وبيقوي العلاقة بينهم
- يعتبر ضرورة في بعض الحالات المرضية اللي بيكون فيها المخاض ودفع الجنين والمجهود خطر على الأم زي أمراض القلب والدماغ
ممكن تشوفي هنا طرق إزالة الشعر من المنطقة الحساسة بدون ألم
هل إبرة الظهر مؤلمة؟
بعض الأطباء بيلجأوا لتخدير الأم كليا قبل حقنة الظهر لتلافي أي حركة مفاجئة أو ألم وخوف، وبعض الأطباء بتشوف إن حقنة الظهر مش مؤلمة للدرجة دي، خاصة لو كنا بنتكلم عن ولادة طبيعية، ألم الطلق لا يقارن بألم الحقنة، لكن أهم نقطة بقاء الأم ساكنة وهادية مع التنفس بشكل طبيعي لحظة دخول الإبرة في الظهر لتلافي أي مشاكل غير متوقعة .
أنا حامل ومأخدتش حقنة RH .. أهم المعلومات عن الحقنة
إمتى بينتهي مفعول الحقنة؟
بينتهي مفعول التخدير بعد ساعات من خروج القسطرة ، بنتكلم من 2 لـ4 ساعات على أقصى تقدير، وفي كل الحالات بينصح بالراحة لحد لما ينتهي مفعولها ويرجع الشعور للرجلين مرة تانية.
هل ممكن حقنة الظهر تسبب شلل؟
الحقيقة في معلومات كتير جدا مغلوطة عن حقنة الظهر زي إنها ممكن تسبب الشلل، وده مش ممكن يحصل إلت إن كان في سيولة في الدم لذلك بيتم عمل تحاليل دم قبل العملية للتأكد من عدم وجود سيولة، كمان في مجموعة من من المعلومات المغلوطة التانية عن الحقنة زي إنها بتخلي دفع الجنين صعب وده مش حقيقي برضو لأن نسبة المخدر الطبيب بيتحكم فيها بحسي تسكن الألم بدون ما تضيع إحساس الأم وقدرتها على دفع الطفل، كمان من أكتر المعلومات المغلوطة عن حقنة الظهر إنها بتسبب ألم مزمن في الضهر لكن الحقيقة وبناء على تجارب كتير ألم الظهر بتشترك فيه الأمهات اللي أخدوا الحقنة واللي ما أخدوهاش، في كل الحالات تغيرات جسم الأم ونظام حياتها والرضاعة بيكون سبب رئيسي في آلام العظم والظهر.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر
وزارة الصحة
التعليق باستخدام حساب فيس بوك