قرقضة أو قضم الأظافر واحدة من أكتر العادات المزعجة اللي ممكن تصيب الأطفال وحتى الكبار وتدمر جمال ضوافرهم، أكل الأظافر عمومًا بيشير لبعض المشاكل النفسية والصحية، والتخلص من عادة قضم الأظافر بتتحول لأمنية عند ناس كتير حاولوا وما قدروش يبطلوا، لما دخلت على جوجل عشان أشوف الناس بتقول إيه عن القصة دي لاقيت ناس كتير جدًا بتسأل جوجل “كيف أمنع نفسي من أكل أظافري!”
المشكلة الكبيرة إنه العادة دي مش متعلقة بالاطفال بس، والخبر السيء إنها ممكن تكمّل من مرحلة الطفولة لحد لما الإنسان يكبر، ومشكلة تانية إنها مش بس بتبوظ شكل الإيد لكن كمان بتعمل جروح، وبتدمر بعض الخلايا اللي ممكن تكون مسؤولة عن نمو الأظافر، ده غير إنها بتكون عادة مزمنة بتخلّي منظر الإيد عمومًا مش طبيعي وبتدي انطباع عام عن صاحبها إنه شخص متوتر ومش مرتاح.
أضرار قضم الأظافر
عمومًا فيه خبرين يخصوا قضم الأظافر: الخبر الأول كويس، وهي إنه بمجرد ما نبطل ناكل ضوافرنا، هترجع كويسة جدًا ومش هتتأثر على المدى الطويل بالعادة السيئة دي، أما الخبر اللي مش كويس، فهو إن عادة قضم الأظافر بتسبب مجموعة من المشكلات الصحية وبتأذي صاحبها يعني على سبيل المثال:
- بتضر بالجلد الموجود حوالين الظفر وده بيزود خطر العدوى
- زيادة مخاطر الإصابة بالبرد والديدان لأن الضوافر تحتها كم رهيب من الجراثيم والبكتيريا والطفيليات
- بتضر الأسنان
بالفيديو حيل مذهلة لنمو وتطويل الأظافر سريعا
إزاي تبطل عادة قضم الأظافر:
- تجنب العوامل التي بتثير قضم الأظافر زي التنبيه المفرط والضغط العصبي والاضطراب
- خلي الضوافر دايمًا قصيرة ومقصوصة
- شغل الإيدين والبق بيعتبر حل فعال، يعني ناكل لبان، ونعزف، أو نلعب بكرة صغيرة أو صلصال
- وضع سائل مر المذاق على الأظافر. فيه أنواع مونيكير بتتباع في الصيدلية للغرض ده ومش بيحتاج روشتة
- في بعض الحالات، بتكون العادة دي علامة على مشاكل نفسية شديدة أو سلوكية. في الحالة دي، الشخص اللي بياكل ضوافره بيكون محتاج مساعدة أكبر سواء من طبيب نفسي أو من معالج سلوكي.
أسباب اصفرار الأظافر وإزاي نعالجه
المصادر
AAD
مايو كلينك
التعليق باستخدام حساب فيس بوك