محتويات المقال
الإمساك من الحاجات اللي بتسبب قلق كبير جدًا عند السيدات الحوامل، وبتأدي لشعور بعدم الارتياح والانزعاج، وبتعاني نص السيدات الحوامل تقريبًا من الإمساك في أثناء فترة حملهم. والمختصين بيعرفوا حالة الإمساك إنها الحالة اللي تخلي الشخص يعمل عملية التبرز 3 مرات أو أقل في الأسبوع وهو حاجة بتخلي عملية طبيعية صعبة جدًا وغير منتظمة بسبب حركة الأمعاء الصعبة.
والسيدة الحامل ممكن تحس بكذا حاجة مع الإمساك زي:
- الصداع
- الام في البطن
- التعب
- انتفاخ في البطن.
إيه هي أسباب الإمساك أثناء الحمل؟
في حاجات كتير بتخلي السيدة الحامل تتعرض للإمساك منها:
- القلق
- قلة ممارسة التمارين الرياضية.
- إتباع نظام غذائي أليافه الغذائية منخفضة.
- التغير في الهرمونات، وده بيعمل استرخاء للعضلات المعوية وبيضغط على الرحم فتبقى حركة الأكل جوه الأمعاء أبطئ وأصعب.
- أقراص الحديد اللي بتاخدها المرأة الحامل.
السيدة الحامل لازم تشرب مياه أكتر في فترة تناولها لمكملات الحديد، لكن لو استمر الإمساك فهي هتحتاج إنها تغير نوع أقراص الحديد اللي بتستخدمها عن طريق استشارة الدكتور المعالج.
نصائح هتخلصك من إحراج الغازات أثناء الحمل
علاج الإمساك أثناء الحمل
في خطوات ممكن تعمليها تساعدك على منع حصول الإمساك أو معالجته لو كان عندك فعلا:
- كلي أطعمة غنية بالألياف: لازم تاكلي ما بين 25 الى 30 غرام يوميا من الألياف الغذائية من الفواكه والخضروات وحبوب الإفطار والخبز والخوخ والنخالة.
- اشربي سوايل كتير: شرب الكثير من السوائل مهم، وخاصة لما تاكلي كميات كبيرة من الألياف فعشان كده لازم تشربي من 10 إلى 12 كوب من السوائل يوميا.
- ممارسة الرياضة بشكل منتظم: حاولي تمارسي الرياضة ثلاث مرات في الاسبوع، لمدة تتراوح ما بين 20-30 دقيقة. لو كنتي مش نشطة ومش بتمارسي الرياضة بشكل منتظم هتزيد فرصة الإصابة بالإمساك عندك.
- التقليل أو التوقف عن تناول مكملات الحديد: مكملات الحديد ممكن تساهم في الإمساك، بس لو بتاكلي أكل صحي ومتوازن ممكن ما تحتاجيش مكملات الحديد ولازم الدكتور المعالج يشوف مستويات الحديد عندك.
إيه هي العلاجات اللي ما ينفعش تستخدم للإمساك في فترة الحمل؟
- الحبوب الملينة لعلاج الإمساك مش بينصح الأطباء باستخدامها أثناء الحمل، لأنها ممكن تحفز على حدوث تقلصات في الرحم وممكن تسبب الجفاف.
- عدم استخدام الزيوت المعدنية: وهي زيوت مستخرجة من البترول، لأنها بتقلل من امتصاص المغذيات.
طرق علاج تشقق القدمين أثناء الحمل
بالنهاية الإمساك هو أمر طبيعي ومنتشر بين النساء الحوامل، ويمكنك علاجه بسهولة من خلال الخطوات اللي ذكرناها عشان تستمعي بفترة حملك من دون أي ألم او انزعاج.
المصادر:
التعليق باستخدام حساب فيس بوك